.jpg)
सावंतवाडी (प्रतिनिधी) - सावंतवाडी तालुक्यातील जिल्हा परिषद आणि पंचायत समितीच्या सार्वत्रिक निवडणुकीसाठी इच्छुकांची लगबग सुरू झाली असून, गेल्या दोन दिवसांत एकूण ४८ उमेदवारी अर्ज नेण्यात आले आहेत. अद्याप एकही अर्ज अधिकृतपणे दाखल झाला नसला, तरी अर्ज नेणाऱ्यांची संख्या पाहता निवडणूक चुरशीची होण्याची चिन्हे आहेत. सावंतवाडी तालुक्यात जिल्हा परिषदेच्या ९ आणि पंचायत समितीच्या १८ जागांसाठी ही निवडणूक होत आहे. प्रशासनाकडून अर्जांचे वाटप सुरू झाल्यानंतर पहिल्या दोन दिवसांत इच्छुकांनी मोठा प्रतिसाद दिला आहे.
शुक्रवारी (पहिला दिवस) जिल्हा परिषदेसाठी ५ आणि पंचायत समितीसाठी ७ असे एकूण १२ अर्ज नेण्यात आले. शनिवारी (दुसरा दिवस) जिल्हा परिषद आणि पंचायत समितीसाठी प्रत्येकी १८ याप्रमाणे एकूण ३६ अर्जांची उचल झाली. दोन दिवसांत जिल्हा परिषदेसाठी २३, तर पंचायत समितीसाठी २५ असे एकूण ४८ अर्ज इच्छुकांनी नेले आहेत. निवडणूक निर्णय अधिकाऱ्यांकडून मिळालेल्या माहितीनुसार, इच्छुकांनी अर्ज नेले असले तरी शनिवार अखेरपर्यंत एकही उमेदवारी अर्ज दाखल झालेला नाही. येत्या काही दिवसांत अर्ज भरण्याच्या प्रक्रियेला गती येण्याची शक्यता वर्तवण्यात येत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.