म्हसळा येथे एव्हिएशन करिअर मार्गदर्शन कार्यक्रम संपन्न

2026-01-12 00:00:00

टाइम्स स्पेशल

म्हसळा - खासदार सुनील तटकरे आणि महिला व बालकल्याण मंत्री अदितीताई तटकरे आणि विधान परिषद मा. आमदार आनिकेत भाई तटकरे यांचे व सुनील तटकरे युवा प्रतिष्ठान व राष्ट्रवादी युवक काँग्रेस यांच्या संयुक्त विद्यमाने इन्स्टिट्यूट फॉर एक्सलन्स इन सर्व्हिसेस अँड प्लॅनिंग (IESP) यांच्या सहकार्याने म्हसळा येथील वसंतराव नाईक कला, वाणिज्य महाविद्यालय व बॅरिस्टर ए. आर. अंतुले विज्ञान महाविद्यालय येथे एव्हिएशन व हॉस्पिटॅलिटी क्षेत्रातील करिअर संधींवर आधारित मार्गदर्शन कार्यक्रमाचे आयोजन करण्यात आले होते.

https://ratnagiritimes.in//assets/images/2020/add/2020/sky22.jpg

या कार्यक्रमाला प्रमुख म्हणून देवश्री मॅडम व पूर्वा सावंत यांनी मार्गदर्शन केले. त्यांनी देशांतर्गत व आंतरराष्ट्रीय विमानतळांवरील नोकरीच्या संधी, विविध कोर्सेस, प्रशिक्षण पद्धती तसेच मजबूत प्लेसमेंट सपोर्ट याबाबत विद्यार्थ्यांना सखोल मार्गदर्शन केले. या प्रसंगी महाविद्यालयाचे प्राचार्य टाकळे, उमेश लोखंडे, शहनवाज उकये यांची प्रमुख उपस्थिती होती. तसेच महाविद्यालयातील शिक्षकवर्ग व मोठ्या संख्येने विद्यार्थी उपस्थित होते.

टाईम्स स्पेशल

मार्गदर्शन सत्रादरम्यान विद्यार्थ्यांनी विचारलेल्या प्रश्नांना तज्ज्ञांनी सविस्तर उत्तरे दिली. अशा प्रकारचे करिअर मार्गदर्शन कार्यक्रम विद्यार्थ्यांच्या उज्ज्वल भविष्यासाठी अत्यंत उपयुक्त ठरतात, असे मत उपस्थित मान्यवरांनी व्यक्त केले. कार्यक्रम यशस्वी होण्यासाठी आयोजक, शिक्षक व विद्यार्थ्यांचे मोलाचे सहकार्य लाभले.