खेड - दापोली तालुक्यातील पूज्य साने गुरुजी यांचे जन्मस्थान असलेल्या पालगड गावातील प्रमुख रस्त्यांची अवस्था अत्यंत दयनीय झाली असून, तातडीने डागडुजी करण्यात यावी, अशी जोरदार मागणी पालगड येथील व्यापारी वर्गाने जिल्हा परिषद बांधकाम विभागाच्या अभियंत्यांकडे निवेदनाद्वारे केली आहे. निवेदनात नमूद करण्यात आले आहे की, पालगड हे पूज्य साने गुरुजी यांचे जन्मगाव असून, शासनाने उभारलेल्या स्मृतीभवनाकडे जाणारा रस्ता, माध्यमिक विद्यालय, प्राथमिक शाळा, बँका, पतसंस्था, बाजारपेठ, ग्रामपंचायत कार्यालय तसेच बसस्थानकाकडे जाणारा हा रस्ता अत्यंत महत्त्वाचा व वर्दळीचा आहे. मात्र गेल्या अनेक वर्षांपासून या रस्त्याची साधी डागडुजीसुद्धा जिल्हा परिषद बांधकाम विभागाकडून करण्यात आलेली नाही. सध्या हा रस्ता मोठ्या प्रमाणावर खड्डेमय झाल्याने वाहनचालकांना प्रचंड त्रास सहन करावा लागत आहे. दुचाकी व चारचाकी वाहनांचे वारंवार नुकसान होत असून, पादचार्यांना चालणेही कठीण झाले आहे. शालेय विद्यार्थी, ज्येष्ठ नागरिक तसेच व्यापार्यांना रोजच्या प्रवासात मोठ्या अडचणींना सामोरे जावे लागत असल्याचे व्यापार्यांनी निवेदनात स्पष्ट केले आहे.
या रस्त्याच्या दुरुस्ती व डागडुजीकडे येत्या आठ दिवसांत लक्ष न दिल्यास तीव्र आंदोलन छेडण्यात येईल, असा इशाराही व्यापारी वर्गाने दिला आहे. यावेळी संजय शेट, कौस्तुभ जोशी, सिद्धेश गणवे, विकास वेदक, दीपक वारे, दत्ताराम पाटणे, सूर्यकांत पवार, अनंत बामणे, महादेव खोचरे आदी व्यापारी व ग्रामस्थ उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.