सावंतवाडी नगरपरिषदेच्या स्वीकृत नगरसेवक पदी ॲड. निता सावंत-कविटकर यांची निवड

2026-01-15 00:00:00

टाइम्स स्पेशल

सावंतवाडी (प्रतिनिधी) - सावंतवाडी नगरपरिषदेच्या रिक्त असलेल्या स्वीकृत नगरसेवक पदासाठी शिवसेनेच्या (शिंदे गट) महिला जिल्हाध्यक्षा ॲड. निता सावंत-कविटकर यांची बिनविरोध निवड करण्यात आली आहे. त्यांच्यासोबतच भाजपचे ॲड. सिद्धार्थ भांबुरे यांचीही स्वीकृत नगरसेवक म्हणून निवड निश्चित झाली असून, मंगळवारी झालेल्या विशेष बैठकीत या नावांवर अधिकृत शिक्कामोर्तब करण्यात आले.

https://ratnagiritimes.in//assets/images/2020/add/2020/sky22.jpg

माजी शिक्षणमंत्री आमदार दीपक केसरकर आणि शिवसेना जिल्हाप्रमुख संजू परब यांनी ॲड. निता सावंत-कविटकर यांच्या नावाची शिफारस केली होती. सावंतवाडी नगरपरिषदेच्या नगराध्यक्षा श्रद्धा सावंत-भोसले यांच्या अध्यक्षतेखाली विशेष बैठक पार पडली. यावेळी मुख्याधिकारी विनायक औंधकर उपस्थित होते. या बैठकीत दोन स्वीकृत नगरसेवक पदांसाठी केवळ दोनच अर्ज दाखल झाले होते. ॲड. निता सावंत-कविटकर (शिवसेना - शिंदे गट) आणि ॲड. सिद्धार्थ भांबुरे (भाजप) यांचे नामनिर्देशन पत्र दाखल झाले होते.

टाईम्स स्पेशल

नगराध्यक्षांनी या दोन्ही अर्जांची छाननी केल्यानंतर दोन्ही उमेदवारांची निवड झाल्याचे अधिकृतपणे जाहीर केले. निवडीची घोषणा होताच नगराध्यक्षा श्रद्धा सावंत-भोसले, मुख्याधिकारी विनायक औंधकर, नगरसेवक संजू परब तसेच उपस्थित इतर नगरसेवकांनी नवनियुक्त स्वीकृत नगरसेवकांचे पुष्पगुच्छ देऊन अभिनंदन केले.