तालुकास्तरीय वक्तृत्व स्पर्धेत रोटरी स्कूलचा प्रभास कदम प्रथम

2026-01-20 00:00:00

टाइम्स स्पेशल

खेड - मराठी भाषा संवर्धन पंधवडा निमित्त तालुकास्तरीय वक्तृत्व स्पर्धा संपन्न झाली. या स्पर्धेत रोटरी स्कूलचा प्रभास प्रमोद कदम याने प्रथम क्रमांक पटकावून आपले व रोटरी स्कूलचे नाव गौरवित केले आहे. तालुकास्तरीय वक्तृत्व स्पर्धेसाठी खेड तालुक्यातील अनेक स्पर्धकांनी आपला सहभाग नोंदविला होता. या सर्व स्पर्धकांवर मात करत रोटरी स्कूलचा प्रभास कदम याने मराठी भाषा अभिजात भाषा या विषयावर आपल्या ओघवत्या शैलीत वक्तृत्व सादर करून प्रथम क्रमांकाला गवसणी घातली. त्याने प्राप्त केलेल्या या यशामुळे त्याला बक्षीस देवून गौरविण्यात आले.

https://ratnagiritimes.in//assets/images/2020/add/2020/sky22.jpg

प्रभास प्रमोद कदम इयता 3 री च्या वर्गात शिकत असून तो लहानपणापासूनच अतिशय चुणचुणीत व कुशाग्र बुद्धीमत्तेचा आहे. त्याने यापूर्वी झालेल्या शालेय, तालुकास्तरीय वक्तृत्व स्पर्धांमध्ये उज्ज्वल यश संपादित केले आहे. त्याची रत्नागिरी येथे दि. 20 जानेवारीला होणाऱ्या जिल्हास्तरीय स्पर्धेसाठी निवड झाली आहे. प्रभास कदमच्या या दमदार कामगिरीमुळे त्याच्यावर सर्वच स्तरातून कौतुकाचा वर्षाव होत आहे. प्रभास कदम याला मराठी शिक्षकांनी मोलाचे मार्गदर्शन केले. संस्थेचे चेअरमन बिपीनदादा पाटणे, सर्व पदाधिकारी, शाळेच्या मुख्याध्यापिका भूमिता पटेल, सर्व शिक्षक व शिक्षकेतर कर्मचारी यांनी प्रभास कदम याचे अभिनंदन करून पुढील वाटचालीस शुभेच्छा दिल्या.