.jpg)
लांजा (संजय साळवी) - लांजा नगरपंचायतीच्या उपनगराध्यक्ष पदाची निवडणूक शुक्रवारी १६ जानेवारी रोजी पार पडली. यामध्ये उपनगराध्यक्षपदी मिलिंद उर्फ बाबा लांजेकर यांची तर स्वीकृत नगरसेवकपदी माजी नगरसेविका दुर्वा प्रसाद भाईशेट्ये आणि सचिन डोंगरकर यांची निवड करण्यात आली. लांजा नगरपंचायतीच्या उपनगराध्यक्ष आणि स्वीकृत नगरसेवक पदाची निवडणूक शुक्रवारी १६ जानेवारी रोजी दुपारी बिनविरोध पार पडली. यावेळी आमदार किरण सामंत यांच्या प्रमुख उपस्थितीमध्ये नवनिर्वाचित उपनगराध्यक्ष मिलिंद उर्फ बाबा लांजेकर यांना उप नगराध्यक्ष पदाच्या खुर्चीत विराजमान करण्यात आले. त्यानंतर झालेल्या कार्यक्रमाप्रसंगी आमदार किरण सामंत यांच्या हस्ते मिलिंद (बाबा) लांजेकर यांचा सत्कार करण्यात आला. त्याचप्रमाणे स्वीकृत नगरसेवकपदी निवड झालेल्या दुर्वा प्रसाद भाईशेट्ये यांचा नगराध्यक्ष सावली कुरूप यांच्या हस्ते तर नवनिर्वाचित नगरसेवक सचिन डोंगरकर यांचा जिल्हाप्रमुख राहुल पंडित यांच्या हस्ते शाल, श्रीफळ, पुष्पगुच्छ देवून सत्कार करण्यात आला.
या कार्यक्रमाप्रसंगी व्यासपीठावर आमदार किरण सामंत यांच्यासह नगराध्यक्षा सावली सुनील कुरूप, उपनगराध्यक्ष बाबा लांजेकर, स्विकृत नगरसेविका दुर्वा भाईशेट्ये, सचिन डोंगरकर, शिवसेना जिल्हाप्रमुख राहुल पंडित, लांजा तालुकाप्रमुख गुरुप्रसाद देसाई त्याचप्रमाणे लांजा गावचे मानकरी कमलाकर गांधी, विठोबा लांजेकर, लांजा नगरपंचायतीचे मुख्याधिकारी अभिजीत कुंभार, उद्योजक विकास शेट्ये, शिवाजी कोत्रे, भाजपा तालुकाध्यक्ष शैलेश खामकर, विराज हरमले, जिल्हा बँक संचालक मुन्ना खामकर, नगरसेवक योगेश कावतकर, महंम्मद रखांगी, प्रसन्न शेट्ये आदींसह अन्य मान्यवर यावेळी उपस्थित होते.
दरम्यान, याप्रसंगी बोलताना उपनगराध्यक्ष बाबा लांजेकर यांनी आमदार किरण सामंत यांनी टाकलेला विश्वास आपण नक्कीच सार्थकी लावणार असून यापुढे लांजा शहराच्या सर्वांगीण विकासासाठी सर्व राजकीय मतभेद विसरून आणि सर्वांना सोबत घेवून शहराच्या सर्वांगिण विकासासाठी प्रयत्नशील राहणार असल्याचे सांगितले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.