बांदा : प्रतिनिधी : पावसाळा सुरू होण्यापूर्वीच सावंतवाडी तालुक्यातील ग्रामीण भागात वीज पुरवठ्याचा अक्षरशः बोजवारा उडाला असून नागरिकांमध्ये संतापाची लाट उसळली आहे. कास, मडुरा, पाडलोस, निगुडे, रोणापाल, शेर्ले, सातोसे परिसरात गेल्या आठ ते दहा दिवसांपासून दिवसातून किमान एकदा तरी तासन्तास वीज पुरवठा खंडित होत असल्याने ग्रामस्थ त्रस्त झाले आहेत. पाच दिवसांत वीज पुरवठा सुरळीत न झाल्यास वीज कार्यालयावर आंदोलन छेडू असा इशारा स्वराज्य सरपंच सेवा संघ सावंतवाडी तालुकाध्यक्ष तथा कास सरपंच प्रवीण पंडित यांनी दिला आहे.
वीज खंडित झाल्यानंतर महावितरणच्या अधिकाऱ्यांशी संपर्क साधण्याचा प्रयत्न केला असता नागरिकांना समाधानकारक उत्तरे मिळत नसून उलट उद्धट वागणूक दिली जात असल्याचा आरोपही पंडित यांनी केला. भरमसाठ वीज बिले वसुलीसाठी वेळेवर येतात मग वीज पुरवठा खंडित का होतो? पावसाळ्यापूर्वीचे पाच सहा महिने अधिकाऱ्यांना दुरुस्तीची आठवण होत नाही आणि मे महिना सुरू झाला की देखभाल दुरुस्तीच्या नावाखाली तासन्तास वीज बंद ठेवली जाते. नागरिकांना याचा प्रचंड मानसिक आणि आर्थिक त्रास सहन करावा लागत आहे, असे पंडित यांनी सांगितले. ग्रामीण भागातील वीज प्रश्न तातडीने सोडवून अखंडित व सुरळीत वीज पुरवठा द्यावा, अन्यथा व्यापक जनआंदोलन उभे राहील, असा इशारा सरपंच प्रवीण पंडित यांनी दिला आहे.
दर मंगळवारी देखभालीच्या नावाखाली दिवसभर वीज पुरवठा खंडित केला जातो, मात्र प्रत्यक्षात कोणती देखभाल केली जाते, असा सवाल उपस्थित करत ग्रामस्थांनी महावितरणच्या कामकाजावर प्रश्नचिन्ह निर्माण केले आहे. सततच्या खंडित पुरवठ्यामुळे शेतकरी, व्यापारी, विद्यार्थी आणि सर्वसामान्य गरिकांचे मोठे नुकसान होत आहे. पावसाळा तोंडावर असताना ही परिस्थिती असेल तर मुसळधार पावसात काय होणार, अशी भीतीही ग्रामस्थ व्यक्त करत आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.