आय.सी.एस.चा जो रुबेन्सन परदेशी याची मुंबई विद्यापीठ क्रिकेट संघात निवड

2026-01-21 00:00:00

टाइम्स स्पेशल

खेड - येथील सहजीवन शिक्षण संस्थेच्या आय.सी.एस. कला, वाणिज्य व विज्ञान महाविद्यालयाने मुंबई विद्यापीठांतर्गत आंतर महाविद्यालयीन क्रिकेट स्पर्धेमध्ये उल्लेखनीय यश प्राप्त केले आहे. मुंबई विद्यापीठ, रत्नागिरी जिल्हा अंतर्गत लांजा येथे आयोजित आंतरमहाविद्यालयीन क्रिकेट स्पर्धेत आय.सी.एस. महाविद्यालयाच्या संघाने दमदार कामगिरी करत कोकण विभागासाठी पात्रता मिळवली होती. त्यानंतर झोन ४ मध्ये तिसऱ्या क्रमांकावर झेप घेतली होती. कोंकण झोन ४ मधून १६ सदस्यांचा संघ मुंबई विद्यापीठामध्ये खेळण्यासाठी गेला होता. त्यामध्ये आय.सी.एस. महाविद्यालयाच्या जो. रुबेनसन परदेशी आणि पराग गमरे या दोन विद्यार्थ्यांची निवड झाली होती. जो. रुबेनसन परदेशी यांने अष्टपैलू कामगिरी करत कोंकण झोन ४ मधून विद्यापीठाच्या १६ सदस्य संघामध्ये आपली जागा निश्चित केली आहे. तो मुंबई विद्यापीठाकडून वेस्ट झोन च्या होणाऱ्या मॅचेस मध्ये गुजरात राजकोट येथे खेळणार आहे.

https://ratnagiritimes.in//assets/images/2020/add/2020/sky22.jpg

रोहित कांबळे यांनी या विद्यार्थ्यांना मार्गदर्शन करून संघ व्यवस्थापक म्हणून काम बजावले होते. जो परडेशीच्या या निवडीबद्दल सहजीवन शिक्षण संस्थेचे कार्याध्यक्ष मंगेशभाई बुटाला, महाविद्यालयाच्या विकास समितीचे चेअरमन ॲड. आनंदराव भोसले, महाविद्यालयाच्या प्राचार्या प्रो. डॉ. अनिता आवटी, महाविद्यालयाचे सर्व प्राध्यापक व शिक्षकेतर कर्मचारी यांनी अभिनंदन केले आहे.