खेड(प्रतिनिधी):- खेड तालुक्यातील ग्रुप ग्रामपंचायत काडवली- कुंभवलीतर्फे गावात उभारण्यात आलेल्या वाडी निर्देशक फलकांचे अज्ञाताने नुकसान केले असल्याचे समोर आले आहे. तसेच बौद्धवाडी- रोहिदासवाडीसाठी उभारण्यात आलेल्या स्मशानशेड फलकाची देखील नासधूस करण्यात आली आहे. या सातत्यपूर्ण प्रकाराबद्दल काडवली ग्रामस्थांमधून तीव्र संताप व्यक्त करण्यात येत आहे. याप्रकरणी अज्ञाताविरोधात कडक कारवाई व्हावी, अशी मागणी केली जात आहे.
ग्रुप ग्रामपंचायत काडवली- कुंभवली तर्फे गेल्या काही दिवसांपूर्वी गावात वाडी निर्देशक फलक उभारण्यात आले आहेत. मात्र, काही दिवसातच दोन फलकांचे नुकसान करण्यात आले आहे. यामध्ये काडवली केळणे फाटा व निरबाडे फाटा या दोन फलकांचे अज्ञाताने नुकसान केले असल्याचे समोर आले आहे. ही घटना ताजी असतानाच गेल्या काही महिन्यांपूर्वी सार्वजनिक बांधकाम विभागातर्फे व ग्रामपंचायत व जमीन मालकांच्या सहकार्याने व ग्रामस्थांच्या पाठपुराव्यामुळे गावातील बौद्धवाडी व रोहिदासवाडीसाठी स्मशानशेड उभारण्यात आली आहे. या स्मशानशेडच्या कामासंदर्भात ठेकेदाराने फलक उभा केला होता. या फलकाचे देखील अज्ञाताने नासधूस केले असल्याचा प्रकार समोर आला आहे.
या तिन्ही प्रकाराबाबत ग्रामस्थांमधून तीव्र संताप व्यक्त केला जात आहे. या विषयाची ग्रामस्थांनी गंभीर दखल घेतली असून लवकरच या विषयासाठी बैठक होणार असल्याचे बोलले जात आहे. या बैठकीकडे सर्वांचे लक्ष वेधले आहे. भविष्यात असे प्रकार टाळण्यासाठी बैठक होऊन पोलीस ठाण्यात तक्रार देणे गरजेचे आहे, अशा प्रतिक्रिया ग्रामस्थांमधून उमटत आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.