मालवण (प्रतिनिधी) - ऑक्टोबर महिन्यात दिवाळी उत्सव कालावधीत मार्केटमध्ये हापूस आंब्याची पहिली पेटी पाठविल्याबद्दल मालवण कुंभारमाठ येथील प्रगतशील आंबा बागायतदार उत्तम सूर्यकांत फोंडेकर यांचे राज्याचे पणन व राजशिष्टाचार मंत्री जयकुमार रावल यांनी पत्राद्वारे कौतुक व अभिनंदन केले आहे. हापूस आंब्याची पहिली पेटी बाजारात विक्रीसाठी पाठवून कोकणातील कृषी परंपरेचा आणि महाराष्ट्राच्या अभिमानाचा गौरव वाढविला आहे, ही अत्यंत आनंदाची आणि अभिमानास्पद बाब आहे, अशा शब्दात मंत्री रावल यांनी फोंडेकर यांचे कौतुक केले आहे.
गेली पाच वर्षे सातत्याने मालवण कुंभारमाठ येथून हापूस आंब्याची पहिली पेटी मुंबई पुणे सह परजिल्ह्यात पाठविणारे पुरस्कारप्राप्त आंबा बागायतदार उत्तम फोंडेकर व आबा फोंडेकर यांनी ऑक्टोबर महिन्यात दीपावलीच्या मुहूर्तावर दोन डझन हापूस आंब्याची पेटी सातारा येथे अवधूत शिंदे यांच्याकडे पाठविली होती. त्यांच्या या कामगिरीची दखल राज्य शासनाने घेतली असून फोंडेकर यांचे अभिनंदन करणारे पत्र राज्याचे पणन व राजशिष्टाचार मंत्री जयकुमार रावल यांनी पत्र पाठवून फोंडेकर यांचे कौतुक केले असल्याची माहिती मालवणचे कृषी सहाय्यक किशोर कदम यांनी दिली आहे.
कोकणातील सुपीक माती आणि शेतकऱ्यांच्या अथक परिश्रमामुळे "हापूस आंबा" आज जागतिक स्तरावर आपली वेगळी ओळख निर्माण करू शकला आहे. आपल्या मेहनतीमुळे या हंगामातील पहिली पेटी बाजारात आणण्यात आपण यशस्वी झालात, याबद्दल मनःपूर्वक अभिनंदन असे नमूद करून पत्रात म्हटले आहे की, आपल्या कार्यामुळे मालवण तालुक्याचा तसेच सिंधुदुर्ग जिल्ह्याचा गौरव अधिक बावला आहे. आपल्यासारख्या प्रगतिशील व दूरदृष्टी असलेल्या शेतकऱ्यांमुळे महाराष्ट्राचे कृषीक्षेत्र अधिक बळकट व समृद्ध होत आहे, असे मंत्री जयकुमार रावल यांनी पत्रात म्हटले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.