सावंतवाडी (प्रतिनिधी) - सावंतवाडी नगरपरिषद सार्वत्रिक निवडणुकीची रणधुमाळी सुरू झाली असून, उद्धव बाळासाहेब ठाकरे शिवसेनेने माजी आमदार कै. जयानंद मठकर यांच्या सूनबाई सीमा मठकर यांना नगराध्यक्षपदाचे उमेदवार म्हणून घोषित केले आहे. सीमा मठकर लवकरच पक्षात अधिकृत प्रवेश करणार आहेत, अशी माहिती पक्षाचे शहर संघटक निशांत तोरसकर यांनी पत्रकार परिषदेत दिली. नगराध्यक्षपदाचा उमेदवार सीमा मठकर ह्या सुसंस्कृत राजकारणाचा वारसा असलेल्या घराण्यातील आहेत आणि सामाजिक कार्यात त्यांचा सहभाग आहे.
शिवसेना सावंतवाडी नगरपरिषद निवडणूक ताकदीने लढवणार असून, २० नगरसेवक आणि नगराध्यक्षांची एक जागा अशी तयारी पक्षाने केली आहे. सेनेची महाविकास आघाडीसोबत जाण्याची इच्छा आहे. या संदर्भात अंतिम निर्णय वरिष्ठ घेतील. आघाडी धर्म पाळण्याचा निर्णय झाल्यास तो पाळला जाईल. सध्या समन्वय नसल्यामुळे ठाकरे सेनेने स्वतःची तयारी पूर्ण ठेवली आहे, असे त्यांनी सांगितले. मनसेला सोबत घेऊन जाण्याचा ठाकरे सेनेचा मानस आहे, असे सांगून निशांत तोरसकर यांनी ’पैसे वाटून निवडून येण्याच्या’ राजकारणावर टीका केली. ’सावंतवाडीचा मतदार विकला जात नाही’ आणि ’पैशाचं राजकारण मोडीत काढू,’ असा विश्वास त्यांनी व्यक्त केला.
या निवडणूकीसाठी समिरा खलील, कृतिका कोरगावकर, दुराली रांगणेकर, श्रृतीका दळवी, उमेश कोरगावकर, शेखर सुभेदार, शैलेश गवंडळकर हे प्रमुख इच्छुक आहेत. या पत्रकार परिषदेला माजी नगरसेवक उमेश कोरगावकर, शहराध्यक्ष शैलेश गवंडळकर, आशिष सुभेदार, शब्बीर मणियार, शेखर सुभेदार, कृत्तिका कोरगांवकर, श्रृतीका दळवी, समीरा खलील, जावेद शेख यांच्यासह अन्य पदाधिकारी उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.