खेड (दिलीप देवळेकर)- गृहराज्यमंत्री व दापोलीचे आमदार योगेश कदम यांनी हर्णे बंदर येथे नव्याने उभारण्यात येत असलेल्या जेटीची पाहणी करून चालू कामांचा सविस्तर आढावा घेतला. जेटीचे काम स्थानिक मासेमार व बोट मालकांसाठी अत्यंत महत्त्वाचे असल्याने कामाची गती वाढवण्याचे स्पष्ट निर्देश त्यांनी संबंधित अधिकाऱ्यांना दिले.
पाहणीदरम्यान बोट मालक व ग्रामस्थांनी मांडलेल्या अडचणी ऐकून घेत बोटी कातळ दगडाला आदळू नयेत यासाठी आवश्यक उपाययोजना करण्याचे आदेश कदम यांनी दिले. तसेच बोट मालकांना आवश्यक असलेल्या बदलांसाठी जेटी परिसरातील परिस्थिती लक्षात घेऊन तांत्रिक सुधारणा करण्याचे निर्देशही त्यांनी संबंधित विभागाला दिले. स्थानिकांच्या सुरक्षेला आणि व्यवसायाला प्राधान्य देत जेटीचे काम वेगाने, सुरक्षित आणि नियोजनबद्ध पद्धतीने पूर्ण करण्यावर भर दिला पाहिजे असे ही कदम यावेळी म्हणाले.
या पाहणीदरम्यान सहायक आयुक्त, मत्स्य व्यवसाय रत्नागिरी विभाग सागर कुवेसकर, बंदर विभागाचे उप अभियंता मंजुळे, उपनिरीक्षक गवार, विधानसभा क्षेत्र प्रमुख किशोर देसाई, तालुका प्रमुख उन्मेष राजे, दापोली शहर अध्यक्ष पप्पू रेळेकर, प्रकाश कालेकर, बाळासाहेब सावंत कोकण कृषी विद्यापीठाचे सदस्य सुनील दळवी, सरपंच ऐश्वर्याताई धाडवे, ग्रामस्थ आणि बोट मालक उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.