नवी दिल्ली :सोमवारी संध्याकाळी लाल किल्ला मेट्रो स्टेशनच्या गेट क्रमांक 1 जवळ झालेल्या कार स्फोटामुळे सर्वत्र घबराट पसरली. स्फोटाची तीव्रता इतकी मोठी होती की कारचा एक भाग लाल किल्ल्याजवळ असलेल्या लाल मंदिरावर पडला. मंदिराच्या काचा फुटल्या आणि जवळच्या अनेक दुकानांचे दरवाजे आणि खिडक्या खराब झाल्या. या घटनेत 8 जणांचा मृत्यू झाल्याची माहिती आहे.स्फोटानंतर लगेचच जवळच्या दुकानांना आग लागल्याचे वृत्त आहे. चांदणी चौकातील भागीरथ पॅलेस परिसरातही धक्के जाणवले आणि दुकानदार एकमेकांना फोन करून परिस्थितीची विचारपूस करताना दिसले. अनेक बसेस आणि इतर वाहनांनाही आग लागल्याचे वृत्त आहे. दिल्लीत स्फोटानंतर हाय अलर्ट जारी केला आहे. या स्फोटात 8 जणांचा मृत्यू झाल्याची माहिती आहे. फॉरेन्सिक टीम घटनास्थळी पोहोचली. दिल्लीतील लाल किल्ल्याजवळ झालेल्या स्फोटाचे भयानक फोटो समोर येत आहेत, जे तुम्हाला अस्वस्थ करू शकतात. अग्निशमन दलाने आग विझवण्याचे आणि बचाव कार्य सुरू केले आहे. स्फोटामुळे दुकानाचे दरवाजे आणि खिडक्या फुटल्या. पोलिस घटनेचा तपास करत आहेत.
संध्याकाळी अग्निशमन विभागाला कारमध्ये झालेल्या स्फोटाची माहिती मिळाली. विभागाने तातडीने घटनास्थळी सहा रुग्णवाहिका आणि सात अग्निशमन दलाच्या गाड्या पाठवल्या. बचाव आणि मदत कार्य सुरू आहे, आणि आगीवर नियंत्रण मिळवण्यासाठी प्रयत्न सुरू आहेत.स्फोटाचे कारण अद्याप समजू शकलेले नाही. पोलिसांनी परिसराला वेढा घातला आहे आणि तपास यंत्रणा घटनास्थळी पुरावे गोळा करत आहेत. सुरुवातीच्या अहवालांनुसार हा स्फोट एका कारमध्ये झाल्याचे दिसून येत आहे, परंतु त्याचे स्वरूप आणि कारण अद्याप स्पष्ट झालेले नाही. या घटनेनंतर, लाल किल्ला आणि चांदणी चौक परिसरात सुरक्षा वाढवण्यात आली आहे.
या घटनेत 8 जणांचा मृत्यू झाला. स्फोटात 30 हून अधिक वाहने उद्ध्वस्त झाली. सर्वत्र रक्ताचे थारोळे वाहताना दिसत होते. दिल्ली पोलिसांचे विशेष पथक आणि इतर एजन्सी घटनास्थळी पोहोचल्या आहेत. दिल्लीत झालेल्या स्फोटानंतर शहरात सर्वत्र हाय अलर्ट लागू करण्यात आला आहे. तसंच, दिल्ली झालेल्या घटनेच्या पार्श्वभूमीवर मुंबईतही हाय अलर्ट जारी करण्यात आला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.