वरवेली ग्रामपंचायत कार्यालयात १४ नोव्हेंबर रोजी कृषी मेळाव्याचे आयोजन

2025-11-13 00:00:00

टाइम्स स्पेशल

वरवेली (गणेश किर्वे) - गुहागर तालुक्यातील वरवेली येथील छत्रपती शिवाजी महाराज सभागृह येथे शुक्रवार दिनांक १४ नोव्हेंबर २०२५ रोजी सकाळी १०:३० वा. डॉ. बाळासाहेब सावंत कृषी विद्यापीठ दापोली आणि रत्नागिरी जिल्हा मध्यवर्ती सहकारी बँक लिमिटेड रत्नागिरी, कृषी विभाग, महाराष्ट्र शासन यांच्या संयुक्त विद्यमाने कृषी मंडळ निहाय शेतकरी मेळावा आयोजित करण्यात आला आहे. या मेळाव्यामध्ये रत्नागिरी जिल्हा मध्यवर्ती सहकारी बँकच्या वतीने शेतकऱ्यांसाठी व शेती आधारीत व्यवसाय उभारणीसाठी विविध योजनांबद्दल मार्गदर्शन करण्यात येणार आहे.

https://ratnagiritimes.in//assets/images/2020/add/2020/sky22.jpg

कृषि विभागाच्या विविध योजनांबद्दल मार्गदर्शन, सेंद्रिय शेतीवर सखोल मार्गदर्शन, कोंकण कपिला गाय संवर्धनाची गरज यावर मार्गदर्शन, कृषी विद्यापीठाच्या शास्त्रज्ञा मार्फत आपल्या तालुक्यातील सर्व पिकांच्या कीड-रोग व शेतकऱ्यांना शेती करताना येणाऱ्या विविध समस्या यावर मार्गदर्शन,विद्यापीठ शास्त्रज्ञ विद्यापीठातील बी बियाणे, माहिती पुस्तके व इतर बाबी यांचे प्रदर्शन लावणार आहेत,५०% अनुदानावर कृषि यंत्रे-अवजारे, ठिबक - तुषार सिंचन, पाईप, पंप, पॅक हाऊस व इतर बाकी बाबींचा लाभ घेऊ इच्छित शेतकऱ्याची नाव नोंदणी करून त्यांचे अर्ज ऑनलाईन करण्यात येतील.

टाइम्स स्पेशल

या कृषी मेळाव्याचा लाभ गावातील सर्व शेतकरी बांधवांनी घ्यावा तसेच शेतीविषयक मिळणाऱ्या माहितीचा लाभ घ्यावा व आपल्याला शेतकरी म्हणून ज्या काही अडचणी येतात त्याची देखील येणाऱ्या कृषी तज्ञ लोकांकडून माहिती घ्यावी असे आवाहन वरवेली सरपंच नारायण आगरे यांनी केले आहे.