देवरूख सुरेश सप्रे : संगमेश्वर तालुक्यात स्थानिक स्वराज्य संस्थांच्या निवडणुका महायुती म्हणून लढविल्या जातील असे जाहीर करण्यात आले असले तरी देवरूख नगरपंचाय निवडणूकीत मात्र उमेदवारांची नावे जाहीर झालेवर युतीत नाराजी नाट्य उफाळून येण्याची शक्यता असल्याचे राजकीय वर्तुळातून वर्तविण्यात येत आहे. संगमेश्वर तालुक्यात भाजपा. शिवसेना (शिंदे गट) व राष्ट्रवादी काँग्रेस (अजीत पवार गट) कार्यकर्त्यांनी स्थानिक स्वराज्य संस्थांच्या निवडणुका युती न करता स्वबळावर लढण्याची मागणी केली होती. संगमेश्वर तालुक्यात राष्ट्रवादी काँग्रेस अजीत पवार गटाचे आमदार शेखर निकम यांनी जि. प. पं. स. निवडणूकीचे काही उमेदवार ही जाहीर केले होते. आता मात्र या मागणीवर वरीष्ठांनी युती घोषणा करून पाणी फेरल्याने कार्यकर्ते चलबिचल झाले असून उघड उघड नाराजी व्यक्त करताना दिसत आहेत.
देवरूख नगरपंचाय निवडणूकीत आता युती झाल्याची घोषणा झाल्यानंतर कोणत्या पक्षाला कीती जागा मिळाणार हे गुलदस्त्यातच असल्याने युतीतील बाशिंग बांधून तयार असलेल्या कार्यकर्त्यांची धाकधूक वाढली आहे.देवरूख नगरपंचाय निवडणूकीत महायुतीच्या जागा वाटपात विभागल्या जाणार असल्याने काहींचा अपेक्षाभंग होणार आहे. त्यामुळे युतीच्या निर्णयामुळे नाराजी व्यक्त केली जात असल्याने महायुतीत नाराजी नाट्य सुरू होण्याची शक्यता वर्तविण्यात येत आहे.
देवरूख नगरपंचाय निवडणूकीत सर्व साधारण राखीव जागांवर आरक्षण असून ही उमेदवारी देण्यात येणार नसेल तर मग आम्हाला संधी कधी मिळणार असा प्रश्न ही एकनिष्ठ कार्यकर्त्यांतुन उपस्थित केला जात असून आम्ही पक्षाच्या व नेत्यांच्या पाठी राहून सतरंज्याच उचलत राहायचे काय? असे ही विचारले जात असल्याची चर्चा कार्यकर्तेंच्यात सुरू आहे. . यावर महायुतीचे नेते कसा तोडगा काढतात याकडे सर्वाचे लक्ष लागले आहे..
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.