खेड (प्रतिनिधी)- संपूर्ण महाराष्ट्रामध्ये नगरपरिषदा व नगरपंचायतीच्या निवडणुका २ डिसेंबर रोजी होणार असून या निवडणुका पार पाडण्यासाठी शासकीय कर्मचार्‍यांना निवडणूक कामासाठी आदेश देण्यात आले आहेत. खेड येथेही निवडणूक निर्णय अधिकार्‍यांनी सदर आदेश दिले आहेत. या निवडणूक कामासाठी बहुतांशी प्राथमिक शिक्षकांनाच आदेश देण्यात आले आहेत. या आदेशान्वये पहिले प्रशिक्षण १६ नोव्हेंबर रोजी होणार असून दुसरे प्रशिक्षण २३ नोव्हेंबर रोजी होणार आहे. २३ नोव्हेंबरला सर्वोच्च न्यायालयाने अनिवार्य केलेली शिक्षक पात्रता परीक्षा म्हणजेच टीईटी परीक्षा होणार आहे. खेड तालुक्यातील बहुतांशी शिक्षक ही परीक्षा देणार आहेत.
मात्र ज्या शिक्षकांना निवडणुकीचे आदेश आले आहेत, अशा शिक्षकांचे प्रशिक्षण रविवार दिनांक २३ नोव्हेंबर रोजी म्हणजेच परीक्षेच्या दिवशीच होणार आहे. त्यामुळे अशा शिक्षकांना निवडणूक प्रशिक्षणामुळे परीक्षा देता येणार नाही. त्यामुळे या बाबीचा विचार करून रविवार दिनांक २३ नोव्हेंबर रोजी असलेले प्रशिक्षण शनिवार दिनांक २२ नोव्हेंबरला घ्यावे अशी आग्रही मागणी निवडणूक निर्णय अधिकार्‍यांकडे महाराष्ट्र राज्य प्राथमिक शिक्षक समिती शाखा खेडने निवेदनाद्वारे केली आहे. महाराष्ट्र राज्य प्राथमिक शिक्षक समिती शाखा खेडच्या या मागणीचा सहानभूतीपूर्वक विचार करून २३ नोव्हेंबर चे सदर प्रशिक्षण रद्द करावे व हे प्रशिक्षण शनिवार दिनांक २२ नोव्हेंबर रोजी घ्यावे अशी मागणी तालुकाध्यक्ष संतोष चव्हाण व सचिव धर्मपाल तांबे यांनी केली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.