मालवण (प्रतिनिधी) - मालवण शहरातील प्रमुख रस्त्यांची अनेक ठिकाणी खड्ड्यांमुळे चाळण झाली आहे. वाहन चालक, नागरिकांना खड्डेमय रस्त्यांमुळे त्रासाला सामोरे लागत आहे. रस्त्यावरील खड्डे डांबरीकरण करून तात्काळ बुजवण्यात यावेत, अशी मागणी सामाजिक कार्यकर्त्या शिल्पा यतीन खोत यांनी सार्वजनिक बांधकाम उपविभाग मालवण यांच्याकडे केली आहे.
मालवण शहरातील स्वामी हॉटेल, सरस्वती टॉकीज, लिमिये हॉस्पिटल , बस स्थानक ते देऊळवाडा मार्गावर अनेक ठिकाणी खड्डे पडले आहेत. पर्यटनाची राजधानी ओळख असलेल्या मालवण शहरातील या रस्त्यांची अवस्था पर्यटनावर परिणाम करणारी तसेच वाहन चालक व स्थानिक नागरिकांना त्रासदायक ठरत आहे. अपघातही घडत आहेत. तात्काळ डांबरीकरण करून रस्ता सुस्थितीत करावा. अन्यथा मालवण वासीयांकडून आंदोलनाचा मार्गाचा अवलंब केल्यास त्याला सर्वस्वी विभाग जबाबदार असेल. तरी याची तात्काळ कार्यवाही व्हावी, असे सौ. शिल्पा खोत यांनी सार्वजनिक बांधकाम विभागाला दिलेल्या निवेदनात म्हटले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.