दापोली तालुक्यात जास्तीत-जास्त विकासकामे करण्यास कटिबद्ध!

2025-11-09 00:00:00

टाइम्स स्पेशल

खेड (प्रतिनिधी) - दापोली तालुक्यातील वडाचाकोंड येथील श्री देव महापुरुष मंडळामार्फत सालाबादप्रमाणे "त्रिपुरारी पौर्णिमा" विविध कार्यक्रमाच्या माध्यमातून मोठ्या उत्साहात साजरी केली जाते. यंदा या मंडळाने जालगाव ब्राह्मणवाडी गावचे ग्रामदैवत असलेल्या श्री भैरीनाथ मंदिराची प्रतिकृती अगदी हुबेहूब साकारली आहे. तिथे नामदार योगेशदादा कदम यांनी भेट देऊन दर्शन घेतले. दरवर्षी दापोलीकरांना, वडाचाकोंड येथील देखावा पाहण्याची उत्सुकता असते. अतिशय सुंदर आणि आकर्षक देखावा इथे उभा केला जातो. यावर्षीदेखील अतिशय बारकाईने देखावा साकारला आहे. त्यासाठी मंडळाचे आणि प्रतीकृती साकारणा-या कलाकारांचे त्यांनी अभिनंदन केले.

https://ratnagiritimes.in//assets/images/2020/add/2020/sky22.jpg

दापोली नगरपंचायतीच्या दोन निवडणुका मी जवळून पाहिल्या आहेत. आमदार असताना विकासकामे केली आहेत. आता राज्यमंत्री असताना जास्तीत-जास्त विकासकामे करण्यासाठी कटिबद्ध असल्याचे यावेळी त्यानी नमूद केले. सभागृहावरील व्यायाम शाळेची ग्रामस्थांनी मागणी केली आहे. त्यानुसार तरुणांना अपेक्षित अशी व्यायामशाळा उभारून देण्याची ग्वाही याप्रसंगी दिली. यावेळी श्री देव महापुरुष मंडळाचे अध्यक्ष विलास शिगवण, दापोलीच्या नगराध्यक्षा सौ. कृपाताई घाग, शिवसेना दापोली शहर प्रमुख पप्पू रेळेकर, तालुका संघटक प्रकाश कालेकर, माजी जि. प. समाजकल्याण सभापती भगवान घाडगे, उपाध्यक्ष प्रदीप रेमजे, उपाध्यक्ष दिलीप पुळेकर आदी मान्यवर आणि ग्रामस्थ बंधुभगिनी मोठ्या संख्येने उपस्थित होते.