लांजात उमेदवारांची संख्या मोठी असल्याने बंडखोरी होण्याची शक्यता

2025-11-08 00:00:00

टाइम्स स्पेशल

केळंबे (सिराज नेवरेकर) - स्थानिक स्वराज्य संस्थांच्या निवडणुकांत नगरपंचायत नगरपरिषद निवडणुका जाहीर झाल्यानंतर ख-या अर्थाने निवडणुकीची रणधुमाळी सुरु झाली असुन उमेदवार निश्चित करण्यासाठी इच्छुक उमेदवारांच्या मुलाखती घेण्यात राजकीय पक्षाच्या नेत्यांकडून जोरदार हालचाली सुरु झाल्या आहेत. भाजपा आणि शिवसेना पक्षाची युती होण्याची शक्यता असल्याने सर्वाधिक इच्छुक उमेदवारांची संख्या मोठी असल्याने युती मध्ये बंडखोरी होण्याची शक्यता असल्याचे राजकीय वर्तुळातून चर्चिले जात आहे.

https://ratnagiritimes.in//assets/images/2020/add/2020/sky22.jpg

दोन डिसेंबर रोजी मतदान असल्याने 10नोव्हेंबर पासून नामनिर्देशन पत्र दाखल करण्यात येणार आहे.त्यामुळे दोन दिवसात उमेदवार निश्चित होऊन राजकीय धुरळा उडणार आहे.भाजपा शिवसेना युती, आणि महाविकास आघाडीच्या माध्यमांतून निवडणुका लढविल्या जातील असे बोलले जात आहे.नगराध्यक्ष पदासाठी भाजपकडून ही दावा केला जात आहे तर शिवसेना पक्षाची नगराध्यक्ष पदासाठी दावा करण्यात येत असल्याचे बोलले जात असुन सहा सात जण नगराध्यक्ष पदासाठी इच्छुक असल्याचे बोलले जात आहे.सर्वाधिक शिवसेना पक्षामध्ये इच्छुकांची संख्या मोठी असल्याने प्रत्येक इच्छुक उमेदवारांचे समाधान होईलच असे वाटत नसल्याचे दिसून येत असल्याने सर्वाधिक युतीमध्ये बंडखोरी होण्याची चिन्हे दिसून येत असल्याचे बोलले जात आहे. लांजा नगरपंचायतीत नगराध्यक्ष सह नगरसेवकांची संख्या 17 आहे. नगराध्यक्ष हे सर्वसाधारण महिला आरक्षित आहे 17जागापैकी 9 नगरसेवक जागा महिलांसाठी राखीव आहेत प्रत्येक प्रभागातून इच्छुकांची संख्या मोठी असल्याने चुरशीचे चित्र आहे.त्यामुळे कोणाला उमेदवारी मिळणार आणि कोणाचा पत्ता कट होणार? हे दोनच दिवसात चित्र स्पष्ट होणार आहे.