सावंतवाडी नगरपरिषद निवडणूक: 'मविआ'च्या सीमा मठकर यांचा उमेदवारी अर्ज दाखल

2025-11-13 00:00:00

टाइम्स स्पेशल

सावंतवाडी - सावंतवाडी नगरपरिषद सार्वत्रिक निवडणुकीसाठी नगराध्यक्ष पदाकरिता महा विकास आघाडीच्या वतीने उद्धव बाळासाहेब ठाकरे शिवसेनेच्या उमेदवार म्हणून सौ. सीमा मठकर यांनी आज आपला नामनिर्देशन अर्ज दाखल केला. यावेळी शिवसेना (उद्धव बाळासाहेब ठाकरे) पक्षाचे नेते आणि माजी खासदार विनायक राऊत यांच्यासह पक्षाचे महत्त्वाचे पदाधिकारी उपस्थित होते.

https://ratnagiritimes.in//assets/images/2020/add/2020/sky22.jpg

सौ. सीमा मठकर यांनी नगराध्यक्ष पदाचे उमेदवार म्हणून आपला उमेदवारी अर्ज निवडणूक निर्णय अधिकारी तथा तहसीलदार श्रीधर पाटील आणि सहाय्यक निवडणूक अधिकारी तथा मुख्याधिकारी संतोष जिरगे यांच्याकडे सादर केला, जो त्यांनी स्विकारला. प्रमुख नेत्यांची उपस्थिती सीमा मठकर यांनी उमेदवारी अर्ज दाखल केला, त्यावेळी ठाकरे शिवसेनेचे प्रमुख नेते माजी खासदार विनायक राऊत, जिल्हा संपर्कप्रमुख अरूण दुधवडकर, जिल्हाप्रमुख बाबुराव धुरी, विधानसभा प्रमुख रूपेश राऊळ यांच्यासह महा विकास आघाडीचे अनेक कार्यकर्ते उपस्थित होते. विशेष म्हणजे, नामनिर्देशन पत्र दाखल करण्याच्या काही वेळापूर्वीच सौ. सीमा मठकर यांनी अधिकृतपणे शिवसेनेत (उद्धव बाळासाहेब ठाकरे गट) प्रवेश केला. माजी खासदार विनायक राऊत यांनी त्यांचे पक्षात स्वागत केले.