तालुकास्तरीय विज्ञान प्रदर्शनात रोटरी स्कूलची सलग दुसऱ्यांदा दमदार कामगिरी

2025-12-07 00:00:00

टाइम्स स्पेशल

खेड (प्रतिनिधी) - जिल्हा परिषद रत्नागिरी, पंचायत समिती शिक्षण विभाग खेड व घरडा इन्स्टिट्युट ऑफ टेक्नॉलॉजी, लवेल आणि जि. प. शाळा लवेल नं. 1 ता. खेड, जि. रत्नागिरी यांच्या संयुक्त विद्यमाने संपन्न झालेल्या खेड तालुका 53 व्या विज्ञान प्रदर्शनात रोटरी स्कूलच्या विद्यार्थ्यांनी सलग दुसऱ्यांदा प्रथम क्रमांक पटकावून उज्ज्वल यश संपादन केले आहे. या प्रदर्शनाचा मुख्य विषय ’एसटीईएम फॉर विकसित अ‍ॅण्ड आत्मनिर्भर भारत’ असा होता.

https://ratnagiritimes.in//assets/images/2020/add/2020/sky22.jpg

सदरच्या स्पर्धेमध्ये रोटरी स्कूलमधील कु. स्पंदन धामणे (इ. 8वी) व कु. अर्णव परकाळे (इ. 8वी) या विद्यार्थ्यांनी इ. 6वी ते 8वी या गटात ’कॅश्युशेलोरा’ हा प्रकल्प सादर केला होता. त्यांनी सादर केेलेल्या या प्रकल्पाला खेड तालुक्यात प्रथम क्रमांक प्राप्त झाला असून जिल्हास्तरीय विज्ञान प्रदर्शनासाठी या प्रकल्पाची निवड झाली आहे. विद्यार्थ्यांच्या या उल्लेखनीय यशामुळे रोटरी इंग्लिश मिडिअम स्कूलमध्ये आनंदाचे वातावरण निर्माण झाले आहे. कु. स्पंदन व कु. अर्णव या यशस्वी विद्यार्थ्यांना खेड तालुका शिक्षण विभागाचे गटशिक्षण अधिकारी विजय बाईत व घरडा इन्स्टिट्यूट ऑफ टेक्नॉलॉजी लवेल कॉलेजचे प्राचार्य डॉ. पी. बी. पाटील यांच्या शुभहस्ते प्रमाणपत्र व सन्मानचिन्ह देऊन गौरविण्यात आले.

टाइम्स स्पेशल

वरील यशस्वी विद्यार्थ्यांना रोटरी स्कूलच्या विज्ञान विभागप्रमुख सौ. रिया पवार, सौ. शर्वरी धामणे, सर्व विज्ञान विषय शिक्षक तसेच शाळेतील सर्व शिक्षकांनी मोलाचे मार्गदर्शन केले. संस्थेचे चेअरमन बिपीनदादा पाटणे, सर्व पदाधिकारी, शाळेच्या मुख्याध्यापिका सौ. भूमिता पटेल यांनी यशस्वी विद्यार्थ्यांचे अभिनंदन करून पुढील वाटचालीस शुभेच्छा दिल्या.