खेड येथे 'प्लास्टिक स्वच्छता मोहीम'

2025-12-08 00:00:00

सामाजिक

खेड (प्रतिनिधी)- " स्वभाव स्वच्छता, संस्कार स्वच्छता" अभियान अंतर्गत, शिवतेज आरोग्य सेवा संचालित, छत्रपती संभाजी राजे सैनिक स्कूल, जामगे, ता. खेड, जि. रत्नागिरी येथे 'प्लास्टिक स्वच्छता मोहीम' आयोजित करण्यात आली होती. या सामाजिक कार्यात शाळेचे ४८ एन.सी.सी कॅडेट्स आणि कर्मचारी सहभागी झाले होते. खेड ते शिवतर दरम्यान सुमारे ५ किलोमीटर रस्त्याच्या दुतर्फा असलेला प्लास्टिक कचरा, पाण्याच्या बाटल्या, पॉलिथिन पिशव्या आणि इतर प्लास्टिक पॅकिंग साहित्य गोळा करून रस्ता प्लास्टिकमुक्त करण्यात आला. एकूण १२ पिशव्या भरून प्लास्टिक कचरा जमा करण्यात आला, ज्यामुळे प्लास्टिक प्रदूषणाचा पर्यावरणावरील परिणाम कमी करण्यास मदत झाली.

https://ratnagiritimes.in//assets/images/2020/add/2020/sky22.jpg

याव्यतिरिक्त , शाळेतील एनसीसी कॅडेट्ससाठी कमांडंट श्रीकृष्ण यादव यांनी 'प्लास्टिक प्रदूषणाचे पर्यावरणावरील परिणाम' या विषयावर एक व्याख्यानही दिले. या सामाजिक कार्यासाठी शाळेचे कमांडंट श्रीकृष्ण यादव, प्राचार्य डॉ. खोत, एएनओ (ANO) राजेश सूर्यवंशी, लष्कर विभागाचे सुभेदार विलास मोरे, सांस्कृतिक विभाग प्रमुख नंदकुमार नगारे, श्री. तुडयेकर, तसेच शिक्षकेतर कर्मचारी उपस्थित होते. संस्थेचे संस्थापक आणि माजी पर्यावरण मंत्री रामदासभाई कदम, संस्थेच्या अध्यक्षा सौ. ज्योती रामदास कदम, राज्याचे गृहराज्यमंत्री योगेशदादा कदम, संस्था सचिव सौ. योगिता कदम कापडी, संस्था सदस्य अण्णा कदम, संस्थेचे खजिनदार सुभेदार काशिराम सपकाळ यांनी या उपक्रमाबद्दल सर्वांचे अभिनंदन करून कौतुक केले. 'प्लास्टिक स्वच्छता मोहीम' अतिशय उत्तमरित्या पार पडली.