उद्या शीर महालक्ष्मी येथे नि:शुल्क नेत्र तपासणी शिबिर

2025-12-11 00:00:00

सामाजिक

आबलोली (संदेश कदम) - गुहागर तालुक्यातील शीर महालक्ष्मी येथे समता फाउंडेशन, भक्तश्रेष्ठ कमलाकर पंत लक्ष्मण वालावलकर रुग्णालय डेरवण, तालुका चिपळूण आणि संकल्प क्लिनिकल लॅबोरेटरीचे मंगेश मते यांच्या संयुक्त विद्यमाने शुक्रवार दिनांक १२ डिसेंबर २०२५ रोजी सकाळी १०:३० वाजता ते दुपारी ०२:०० वाजता या वेळेत शीर- महालक्ष्मी येथील शीर कुणबी ग्रामस्थ मंडळ सभागृह येथे नि:शुल्क नेत्र तपासणी शिबिर आणि मोतीबिंदू लेन्स शस्त्रक्रिया शिबिर आयोजन करण्यात आले असून शीर- महालक्ष्मी येथील जनतेने या नि:शुल्क नेत्र तपासणी शिबिराचा लाभ घ्यावा असे जाहीर आवाहन क्लिनिकल लॅबोरेटरीचे मंगेश मते यांनी प्रसिद्धी पत्रकाद्वारे केले आहे.

https://ratnagiritimes.in//assets/images/2020/add/2020/sky22.jpg

या नि:शुल्क नेत्र तपासणी शिबिर, मोतीबिंदू लेन्स शस्त्रक्रिया शिबिर आयोजित करण्यात आले असून या शिबिरामध्ये सहभागी झालेल्या रुग्णांची नि:शुल्क तपासणी व योग्य सल्ला मार्गदर्शन केले जाईल. मोतीबिंदू असलेल्या रुग्णांची भक्तश्रेष्ठ कमलाकर पंत लक्ष्मण वालावलकर रुग्णालय डेरवण येथे नि:शुल्क शस्त्रक्रिया करण्यात येईल. मोतीबिंदू रुग्णांची ने-आण करण्याची, राहण्याची, जेवणाची व काळ्या चष्म्याची नि:शुल्क सोय करण्यात येईल. मोतीबिंदू असलेल्या रुग्णांना भरतीची तारीख शिबिराच्या दिवशी दिली जाईल, असे आवाहन प्रसिद्धी पत्रकाद्वारे मंगेश मते यांनी केले आहे.