खेड (प्रतिनिधी) - नागपूर विधान भवनात गृह राज्यमंत्री योगेश कदम यांच्या उपस्थितीत पोलीस पाटील संघटना, महाराष्ट्र राज्य यांच्या शिष्टमंडळाने भेट घेऊन पोलीस पाटलांच्या विविध प्रलंबित प्रश्नांवर चर्चा केली. बैठकीत पोलीस पाटलांचे मानधन वेळेवर देणे, वाळू ड्यूटी रद्द करणे, प्रवास भत्ता दुप्पट करणे, अनुकंपा कायदा लागू करणे तसेच सेवानिवृत्तीनंतर एकरकमी 20 लाख रुपये देणे या प्रमुख मागण्या संघटनेतर्फे मांडण्यात आल्या.
चर्चेनंतर अधिवेशन संपल्यानंतर पुढील 10 दिवसांत पोलीस पाटलांच्या प्रतिनिधींसोबत बैठक घेण्यात येईल, असे योगेश कदम यांनी आश्वासन दिले. तसेच संबंधित एसपींना मानधन वेळेत देण्याबाबत पत्र देऊन निर्देशित करण्याचे तसेच वाळू ड्यूटी संदर्भात प्रांत अधिकारी व तहसीलदारांना पत्र काढण्याची प्रक्रिया सुरू करण्याचे आदेशही त्यांच्या वतीने देण्यात आले. बैठकीस पोलीस पाटील संघटना महाराष्ट्र राज्य, गाव कामगार पोलीस पाटील संघटना, पोलीस पाटील संघटना विदर्भ आणि पोलीस पाटील (असो.) संघटना या चार संस्थांचे पदाधिकारी उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.