खेड तालुकास्तरीय विज्ञान प्रदर्शनामध्ये सैनिक स्कूल अव्वल

2025-12-07 00:00:00

टाइम्स स्पेशल

खेड (प्रतिनिधी) - जिल्हा परिषद, रत्नागिरी, पंचायत समिती शिक्षण विभाग, ता. खेड, जि. रत्नागिरी आणि घरडा इंन्टिट्युट ऑफ टेक्नॉलॉजी, लवेल, व जिल्हा परिषद शाळा लवेल नं. १, ता. खेड यांच्या संयुक्त विद्यमाने ५३ वे खेड तालुका विज्ञान प्रदर्शन घरडा इंन्टिट्युट ऑफ टेक्नॉलॉजी, लवेल, ता. खेड, जि. रत्नागिरी येथे आयोजित करण्यात आले होते. सदर प्रदर्शनामध्ये शिवतेज आरोग्य सेवा संस्था खेड संचलित छत्रपती संभाजीराजे सैनिक स्कूल, जामगे या प्रशालेने माध्यमिक गटातून सादर केलेल्या 'वाईल्ड अॅनिमल प्रोटेक्टर जॅकेट' या विद्यार्थी प्रतिकृतीने प्रथम कमांकाचे पारितोषिक पटकावले आहे. तसेच माध्यमिक शिक्षक गटातून श्री. कांचनकोटी एम. एस. यांनी सादर केलेल्या 'कार्बन कंपांउंड' या प्रतिकृतीस तृतीय क्रमांक तर प्रयो. सहाय्यक गटातुन श्री. कोकरे एस. के. यांनी सादर केलेल्या 'इलोक्ट्रो मॅग्नेटिक इंडक्शन' या प्रतिकृतीस तृतीय क्रमांक मिळाला आहे.

https://ratnagiritimes.in//assets/images/2020/add/2020/sky22.jpg

माध्यमिक गटातून सादर केलेल्या 'वाईल्ड अॅनिमल प्रोटेक्टर जॅकेट' या प्रतिकृतीमध्ये कु. रूद्र भरत मेजारी व कु. सार्थक विलास मोरे या विद्यार्थ्यांनी सहभाग घेतला तसेच त्यांना मार्गदर्शक शिक्षक हिरेमठ ए. एस. व प्राचार्य डॉ. खोत एम. एस., यांचे मोलाचे मार्गदर्शन लाभले. विद्यार्थ्यांमध्ये वैज्ञानिक दृष्टिकोन निर्माण होवून भावी वैज्ञानिक तयार व्हावेत यासाठी दरवर्षी शिक्षण विभाग व विज्ञान मंडळामार्फत विज्ञान प्रदर्शन आयोजित केले जाते. सदर स्पर्धेमध्ये प्रशालेच्या विद्यार्थ्यांनी नेहमीच उज्ज्वल यश संपादन करत आज अखेर राज्यस्तरापर्यंत सात प्रतिकृतींची निवड व राष्ट्रीय स्तरावर एका प्रतिकृतीची निवड झाली आहे. यावर्षी देखील प्रशालेने आपली यशाची उज्ज्वल परंपरा कायम राखली आहे.

टाइम्स स्पेशल

सदर यशाबददल शिवतेज आरोग्य सेवा संस्थेचे संस्थापक व माजी पर्यावरण मंत्री रामदासभाई कदम, संस्था अध्यक्षा सौ. ज्योती रामदास कदम, राज्याचे गृहराज्यमंत्री ना. योगेशदादा कदम, संस्था उपाध्यक्ष व महाराष्ट्र राज्य प्रदुषण नियंत्रण महामंडळाचे अध्यक्ष सिध्देशदादा कदम, संस्था सचिव सौ. योगिता कदम कापडी, संस्था खजिनदार काशिराम सकपाळ, संस्था संचालक अण्णा कदम, कमांडंट श्रीकिशन, प्राचार्य डॉ. खोत सर तसेच शिक्षक-शिक्षकेत्तर कर्मचारी वृंद यांनी यशस्वी विद्यार्थी व मार्गदर्शक शिक्षक यांचे अभिनंदन केले व पुढील जिल्हास्तरीय विज्ञान प्रदर्शनासाठी शुभेच्छा दिल्या.