ठाणे (प्रतिनिधी) - ठामपा हद्दीत असलेल्या दिवा येथील नाईक नगर भागात श्री स्वामी समर्थ कृपा अपार्टमेंट ही चार मजली इमारत आहे. अंदाजे १० वर्षे जुनी इमारत असून येथील इमारतीचा स्लॅब कोसळून तीन महिला जखमी झाल्याची घटना घडली. सोमवारी सकाळी ही घटना घडली. श्री स्वामी समर्थ कृपा अपार्टमेंट या इमारतीच्या पहिल्या मजल्यावरील रूम क्रमांक:-१०२ चे मालक:- संतोष यादव, असून यामध्ये भाडोत्री उषा पवार राहतात या रूमच्या हॉल मधील सिलिंगचे प्लास्टर पडले आहे. या घटनेत तीन महिलांना दुखापत झाली आहे. यामधील एका महिलेस गंभीर दुखापत झाली असून त्यांना तात्काळ उपचारासाठी मानव कल्याण रुग्णालय, दिवा येथे दाखल करण्यात आले आहे.
स्नेहा पवार (२६), नेहा पवार(२८), उषा पवार(३५) अशी जखमीं झालेल्यांची नावे आहेत. या महिला झोपलेल्या असताना त्यांच्या अंगावर स्लॅबचा काही भाग कोसळला. या घटनेत स्नेहा पवार यांच्या मानेला व शरीराला दुखापत झाली आहे. त्यांच्यावर दिव्यातील मानव कल्याण रुग्णालयात उपचार सुरू आहेत. नेहा आणि उषा यांना किरकोळ दुखापत झाली आहे. घटनास्थळी दिवा प्रभाग समिती बांधकाम विभागाचे अधिकारी व कर्मचारी उपस्थित होते. दिवा प्रभाग समिती बांधकाम विभाग कडून कारवाई करण्याचे काम सुरु केले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.