लांजा शहरात तातडीने शौचालयाची सुविधा करण्याची जनतेतून मागणी

2025-12-12 00:00:00

सामाजिक

केळंबे-लांजा (सिराज नेवरेकर) - लांजा शहरात एकमेव असलेले निर्मल शौचालयाची इमारत मुंबई-गोवा महामार्गाच्या चौपदरीकरणाच्या कामात बाधित ठरत असल्यामुळे जमिनदोस्त करण्यात आल्याने लघुशंका व शौचालयासाठी जाण्याची सर्वच नागरिकांची प्रचंड गैरसोय निर्माण झाली असुन संबधित यंत्रणेकडून तात्काळ गैरसोय दुर करण्याची मागणी जनतेतून केली जात आहे.

https://ratnagiritimes.in//assets/images/2020/add/2020/sky22.jpg

लांजा शहराच्या मध्यवर्ती ठिकाणी मुंबई-गोवा रस्त्यालगत एकमेव निर्मल शौचालय होते. सर्वच नागरीकांच्या सोयीचे ठिकाण होते. लांजा तालुक्याचा मंगळवार आठवडा बाजार दिवशी येणारे नागरीक, फिरते व्यापारी, रिक्षा व्यावसायिक, सर्वच नागरीक यांना सोयीचे ठरत होते, मात्र मुंबई-गोवा महामार्गाच्या चौपदरीकरणाच्या कामामुळे शौचालयाची अर्धी इमारत बाधित ठरत असल्यामुळे संपुर्ण इमारत तोडण्यात आली. नव्याने शौचालयाची इमारत बांधणे विलंब होणार असल्यामुळे.लघुशंकेला तसेच शौचालयासाठी जायचे कुठे? हा प्रश्न नागरीकांना पडला आहे. नागरीकांची प्रचंड गैरसोय निर्माण झाली आहे. तालुक्याचे ठिकाण असताना लांजा निर्मल शौचालयाची अन्य दुसरी व्यवस्था नसल्यामुळे आश्चर्य व्यक्त केले जात आहे.

टाइम्स स्पेशल

सध्या बसस्थानक, कार्यालयातील सार्वजनिक मुता-या शौचालय यांचा आधार नाईलाजास्तव नागरीकांना घेणे भाग पडत आहे. दररोज या ठिकाणी जाणे ही गैरसोयीचे ठरणारे आहे. लांजात शौचालय अभावी नागरीकांची गैरसोय झाली आहे. नवीन इमारत बांधण्यासाठी बराच कालावधी जाणार असल्यामुळे तात्काळ उपाययोजना करण्याची गरज असल्याचे नागरिकांमधून बोलले जात असुन संबधित यंत्रणेकडून शौचालयाची सुविधा करण्याची मागणी जनतेतून केली जात आहे.