बांदा (प्रतिनिधी) - वाळके कुटुंबीयांचे वार्षिक देवकार्य असलेला पराब उत्सव बांदा येथे उत्साहात व भक्तीमय वातावरणात संपन्न झाला. यानिमित्त श्री वाळकेश्वर मंदिर बांदा येथे सोमवार दि. 8 आणि मंगळवार दि. 9 डिसेंबर रोजी विविध धार्मिक कार्यक्रमांचे आयोजन करण्यात आले होते. सोमवार सकाळी श्री देव बांदेश्वर, श्री देवी भुमिकादेवी यांना भेटीचे श्रीफळ ठेवून कार्यक्रमाला सुरुवात करण्यात आली. त्यानंतर ब्राम्हणवृंदाच्या उपस्थितीत श्री देव वाळकेश्वरावर सामुदायीक अभिषेक सेवा करण्यात आली. दुपारी आरती व महाप्रसाद संपन्न झाला. सायंकाळी तुळशी विवाह व दिपोत्सव साजरा करण्यात आला. मंगळवारी सकाळी कुरणीतील जेवणीचा कार्यक्रम संपन्न झाला.त्यानंतर बांदेश्वर मंदिर येथे पारंपारीक, प्रतिवार्षीक दैवीक कार्यक्रम झाल्यानंतर वाळकेश्वर मंदिर येथे वार्षिक सभा अध्यक्ष अभिजीत वाळके यांच्चा अध्यक्षतेखाली संपन्न झाली.
यावेळी वाळके परिवाराचे सदस्य रंजन यशवंत वाळके यांनी 2000 किलोमीटरची श्रीक्षेत्र माणगांव ते काशी(वाराणशी) हि पदयात्रा दोन महिन्यात पूर्ण केल्याबद्दल, तसेच यापूर्वी दोन वेळा पदयात्रेने नर्मदा परिक्रमा पूर्ण केल्याबद्दल श्री वाळकेश्र्वर प्रतिष्ठानच्या वतीने अध्यक्ष अभिजीत वाळके यांच्या हस्ते त्यांचा सत्कार करण्यात आला. यावेळी प्रतिष्ठानचे माजी अध्यक्ष प्रसाद वाळके, सचीव रामचंद्र (भाऊ) वाळके, खजीनदार नितीन वाळके, प्रकाश वाळके, गोपाळअण्णा वाळके, उमेश वाळके, डॉ.दामोदर वाळके, धोंडी वाळके, चंदू वाळके, राजू वाळके तसेच बहुसंख्य वाळके बंधु भगिनी उपस्थित होते. आभार विठ्ठल (भाऊ) वाळके यांनी मानले. महाप्रसाद व वार्षीक कौलप्रसादाने कार्यक्रमची सांगता करण्यात आली.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.