कर्जत (जयेश जाधव) - रायगड जिल्ह्यातील कर्जत तालुक्यातील वेणगाव येथील भुमीपूत्र समाजसेवक शांताराम तथा भाई गायकर यांना मुंबई येथे मुंबई मराठी पत्रकार भवन येथे १३ डिसेंबर रोजी 'स्वतंत्र कोकण राज्य अभियाना'चे संस्थापक अध्यक्ष संजय कोकरे यांच्या अध्यक्षते पार पडलेल्या कार्यक्रमात प्रमुख पाहुणे वरिष्ठ पत्रकार आणि संपादक सचिन कळझुनकर यांच्या उपस्थितीत 'कोकणरत्न' पदवी पुरस्कार प्रदान करण्यात आला. भाई गायकर यांना मिळालेल्या पुरस्काराबद्दल सर्व स्तरातून अभिनंदनाचा वर्षाव होत आहे. भव्य व शानदार "कोकणरत्न पदवी" प्रदान सोहळा शनिवार, दि. १३ डिसेंबर २०२५ रोजी सायंकाळी ४ ते ६ या वेळेत, मुंबई मराठी पत्रकार भवन, आझाद मैदानाजवळ, मुंबई येथे आयोजित करण्यात आला होता.
या कार्यक्रमाला प्रमुख पाहुणे म्हणून वरिष्ठ पत्रकार व संपादक सचिन कळझुनकर सर यांची उपस्थिती लाभली. या वेळी मुंबई अध्यक्ष धनंजय कुवेसकर, खजिनदार राजेंद्र सुर्वे, नेते सुभाष राणे तसेच मुख्य सल्लागार दिलीप लाड तसेच विविध क्षेत्रातील प्रतिष्ठीत व मान्यवर मंडळी उपस्थित होती. स्वतंत्र कोकणराज्य अभियान तर्फे प्रदान करण्यात येणाऱ्या “कोकणरत्न” या प्रतिष्ठित पदवीसाठी यंदा कोकणातील समाजसेवा, शिक्षण, साहित्य, कला, पत्रकारिता, आरोग्य, पर्यावरण, महिला सक्षमीकरण, युवक मार्गदर्शन व जनकल्याण या विविध क्षेत्रांत उल्लेखनीय कार्य करणाऱ्या व्यक्ती तसेच संस्थांची निवड करण्यात आली आहे. कोकणच्या सर्वांगीण विकासासाठी आणि सामाजिक प्रबोधनासाठी कार्य करणाऱ्या मान्यवरांचा गौरव करण्याच्या उद्देशाने हा उपक्रम राबविण्यात येत आहे.
भाई गायकर यांनी केलेले सामाजिक क्षेत्रातील भरीव योगदानाबद्दल केलेले उल्लेखनीय कार्य तसेच विविध संस्थांच्या माध्यमातून केलेली सामाजिक कार्य, कोरोना महामारीच्या काळात समाजातील गोरगरीब व आदिवासीं कुटुंबांना मदतीचा एक हातभार व गरजूंना शैक्षणिक हातभार तसेच स्थानिक तरुणांना रोजगार मिळावा यासाठी करत असलेले कार्य अशा सर्वांगीण बाजूचा विचार करून संस्थेच्या वतीने "कोकणरत्न" पदवी देवून सन्मानित करण्यात आले. याआधी सामाजिक क्षेत्रातील विविध पारितोषिक व पुरस्कार गायकर यांना मिळालेले आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.