केळंबे-लांजा (वार्ताहर): आगामी जिल्हा परिषद आणि पंचायत समितीच्या निवडणुका या महाविकास आघाडीच्या माध्यमातून नाही तर कॉंग्रेस पक्षाने स्वबळावर लढण्याचा निर्णय देवरुख तालुका कॉंग्रेस कमिटीने घेतला असून याबाबत आज शनिवारी लांजा येथे जिल्हाध्यक्ष नुरुद्दीन सय्यद यांच्या समवेत झालेल्या बैठकीत शिक्कामोर्तब करण्यात आले. आगामी जिल्हा परिषद आणि पंचायत समितीच्या निवडणुकीच्या पार्श्वभूमीवर देवरुख- संगमेश्वर तालुका पदाधिकार्यांची बैठक शनिवारी जिल्हाध्यक्ष नुरुद्दीन सय्यद यांच्या प्रमुख उपस्थितीत लांजा येथे पार पडली. या बैठकीत देवरुख कॉंग्रेस तालुकाध्यक्ष काशीराम वाजे व पदाधिकारी यांनी या निवडणुका कॉंग्रेस पक्षाने स्वबळावर लढविणार असल्याचा सूर व्यक्त केला. या निवडणुका स्वबळावर लढवण्याच्या दृष्टीने कॉंग्रेस पदाधिकार्यांनी तयारी देखील पूर्ण केली असल्याचे त्यांनी जिल्हाध्यक्ष नुरूद्दीन सय्यद यांना सांगितले.
दरम्यान, कॉंग्रेस पदाधिकार्यांची जर ही निवडणूक स्वबळावर लढवण्याची तयारी असेल तर त्याबाबत कोणतीही हरकत नाही. आपण या निवडणुका स्वबळावर लढू असा या बैठकीत निर्णय घेण्यात आला. या बैठकीला कॉंग्रेस जिल्हाध्यक्ष नुरुद्दीन सय्यद यांच्यासह देवरुख तालुका अध्यक्ष काशीराम वाजे, पदाधिकारी अशोक पवार, अशोक जाधव, लक्ष्मीकांत जाधव, रवींद्र गुरव, विश्वनाथ किल्लेदार, अनिल धावणे आदींसह अन्य पदाधिकारी यावेळी उपस्थित होते. देवरुख -संगमेश्वर तालुका कॉंग्रेस पदाधिकार्यांनी निवडणुका स्वबळावर लढविण्याचा निर्णय घेतल्याच्या पार्श्वभूमीवर कॉंग्रेस जिल्हाध्यक्ष नुरूद्दीन सय्यद हे दिनांक २७ आणि २८ डिसेंबर रोजी देवरुख तालुक्याचा दौरा करणारा आहेत. या दौर्यात ते जिल्हा परिषद गट आणि पंचायत समिती गणनिहाय कॉंग्रेस पदाधिकारी, कार्यकर्ते यांच्या बैठका घेणार असल्याचे जिल्हाध्यक्ष नुरुद्दीन सय्यद यानी सांगितले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.