रत्नागिरी (वार्ताहर) - मराठा मंडळाच्यावतीने येत्या रविवारी २१ डिसेंबरला रत्नागिरी येथे महाआरोग्य शिबिराचे आयोजन करण्यात आले आहे. या शिबिरात पुर्णतः मोफत तपासणी करण्यात येणार आहे. मराठा मंडळ, माळनाका, रत्नागिरी ही सेवाभावी संस्था असून सध्या ही संस्था आपले सुवर्ण महोत्सवी वर्ष साजरे करत आहे. या सुवर्ण महोत्सवी वर्षानिमित्त संघटनेतर्फे विविध कार्यक्रमांचे आयोजन करण्यात येत आहे. या उपक्रमाचा एक भाग म्हणून मराठा मंडळाच्यावतीने साधना फाऊंडेशन, मुंबई आणि लोकमान्य बाळ गंगाधर टिळक, मल्टिस्पेशालिटी हॉस्पिटल यांच्या संयुक्त विद्यमानाने भव्य अशा मोफत महाआरोग्य शिबिराचे आयोजन करण्यात आले आहे.
रविवारी २१ डिसेंबर रोजी ‘मराठा भवन’ या संस्थेच्या भव्य वास्तूत हे शिबिर आयोजित करण्यात आले आहे. मुंबईतील नामांकित डॉक्टरांची टीम तपासणी करणार आहे. आजपर्यंत कोणत्याही आरोग्य शिबिरात न झालेल्या चिकित्सा आणि मार्गदर्शन या शिबिरामध्ये पूर्णपणे मोफत करण्यात येणार आहे. यामध्ये स्त्री-रोग चिकित्सा, नेत्र चिकित्सा, कॅन्सर तपासणी, अत्याधुनिक मशीनद्वारे हाडांच्या संभाव्य विकारांची तपासणी, इसीजी, जनरल फिजिशियन चेकअपचा त्यामध्ये समावेश असेल. सकाळी ९.०० ते सायं. ५.०० वा. पर्यंत म्हणजे संपूर्ण दिवसभर हे शिबिर खुले असणार आहे या शिबिरासाठी पूर्व नोंदणी करणे आवश्यक आहे. त्यासाठी ८०१०३०८८४६, किंवा ९४०५०१८९९९ या भ्रमणध्वनी क्रमांकावर सकाळी १०.०० ते सायंकाळी ५.३० या वेळेत संपर्क साधावा असे आवाहन करण्यात आले आहे. रुग्णांनी येताना आपले जुने रिपोर्ट घेवून यावेत असे आवाहन मराठा मंडळ, रत्नागिरी या संस्थेच्या वतीने करण्यात आले असून या मोफत महाआरोग्य शिबिराचा जास्तीत जास्त नागरिकांनी लाभ घ्यावा असे आवाहनही या संस्थेच्यावतीने करण्यात आले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.