1.jpg)
2.jpg)
.jpg)
1.jpg)
लांजा (संजय साळवी) - घर मालकाच्या परवानगीशिवाय घराच्या छपरावरील कौले, लाकडी रिपा, वासे काढून चार लाख रुपयांचे नुकसान केल्याप्रकरणी पोलिसांनी झर्ये येथील एकावर गुन्हा दाखल केला आहे. श्रीपाद महादेव कदम (५२ वर्षे, सध्या रा. विकास टॉवर, सह्याद्री नगर, मीरा - भाईंदर, जि. ठाणे) यांनी याबाबतची तक्रार लांजा पोलीस ठाण्यात केली होती. श्रीपाद कदम व साक्षीदार यांचे लांजा तालुक्यातील कुरंग मधलीवाडी येथे सामूहिक मालकीचे घर आहे. सामूहिक मालकीचे आणि छप्पर एक असलेल्या व अंतर्गत विभक्त असलेल्या घराच्या दुरुस्तीचे काम बाळकृष्ण रमेश पांचाळ (रा. झर्ये, ता. राजापूर) यांनी घेतले होते. याबाबतची माहिती मिळाल्यानंतर श्रीपाद कदम यांनी बाळकृष्ण पांचाळ यांना माझे सोडून तू इतरांच्या घराच्या छपराच्या दुरुस्तीचे काम कर असे सांगितले होते.
मात्र तरी देखील बाळकृष्ण पांचाळ यांनी बुधवार दि. १५ ते मंगळवार दि. २१ एप्रिल या कालावधीत श्रीपाद कदम व साक्षीदार यांच्या घराच्या छपरावरील कौले, लाकडी रिपा, वासे काढून त्यांच्या घरामध्ये प्रवेश करून, अतिक्रमण करून छपरावरील कौले, वासे, रिपा यांची मोडतोड करून तसेच आतील सामानाची नासधूस केली. तसेच ४ लाख रुपयांचे नुकसान केले. याप्रकरणी श्रीपाद कदम यांनी केलेल्या तक्रारीनुसार लांजा पोलिसांनी बाळकृष्ण पांचाळ यांच्यावर भारतीय न्याय संहिता २०२३ चे कलम ३२९ (४), ३२४ (५) अन्वये गुन्हा दाखल केला आहे. दरम्यान, याबाबत अधिक तपास पोलीस निरीक्षक निळकंठ बगळे यांच्या मार्गदर्शनाखाली पोलीस हेड. कॉन्स्टे. दिनेश आखाडे हे करत आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.