1.jpg)
2.jpg)
.jpg)
1.jpg)
देवळे (प्रकाश चाळके) - संगमेश्वर तालुक्यातील देवळे चाफवली कोंडगाव-साखरपा परिसरात गुरुवारी सायंकाळच्या सुमारास विजांच्या कडकडाटासह अवकाळी पावसाने अचानक हजेरी लावली. काही दिवसांपासून उकाड्याने त्रस्त झालेल्या नागरिकांना दिलासा मिळाला असला, तरी या पावसामुळे शेतकऱ्यांची मात्र चांगलीच तारांबळ उडाली. आंबा काजू बागायतदारांच्या अडचणी वाढल्या आहेत.
गेल्या चार दिवसांपासून पावसाने हुलकावणी दिल्याने उष्णतेचा पारा चढला होता. पहाटे देवळे चाफवली भागात पावसाने शिडकावा केला.अशातच हवामान खात्याने पावसाची शक्यता वर्तवली होती आणि त्यानुसार अचानक पावसाने जोर धरला. विजांच्या कडकडाटामुळे वातावरण दणाणून गेले होते आणि जोराच्या पावसाने हजेरी लावली. परिसरातील या पावसाने आंबा ,काजू बागायतदारांचे मोठे नुकसान झाले आहे.
या पावसामुळे शेतकऱ्यांनी जनावरांसाठी साठवून ठेवलेला पेंडा तसेच आगोटीसाठी ठेवलेली लाकडे आणि शेण्या पूर्णपणे भिजून गेल्या. त्यामुळे ग्रामीण भागात शेतकऱ्यांची मोठी गैरसोय झाली आहे. अवकाळी पावसाच्या या अनपेक्षित आगमनामुळे शेतकरी आता शेतीच्या कामांसाठी अधिक सतर्क झाला असून, पुढील काही दिवस हवामानाचा अंदाज लक्षात घेऊन नियोजन करण्याची गरज निर्माण झाली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.