.jpg)
साटेली-भेडशी (प्रतिनिधी) : लोकशाहीचा पाया मजबूत करण्यासाठी आणि युवा पिढीमध्ये मतदानाविषयी जागरूकता निर्माण करण्यासाठी, न्यू इंग्लिश स्कूल साटेली-भेडशी येथे 'राष्ट्रीय मतदार दिन' उत्साहात साजरा करण्यात आला. या निमित्त शालेय विद्यार्थ्यांनी साटेली-भेडशी बाजारपेठेत भव्य फेरी काढून नागरिकांचे लक्ष वेधून घेतले. शाळेतील विद्यार्थ्यांनी या फेरीत मोठ्या संख्येने सहभाग घेतला. गणवेश परिधान केलेल्या विद्यार्थ्यांनी शिस्तबद्ध रीतीने बाजारपेठेतून मार्गक्रमण केले. लोकशाहीच्या उत्सवात प्रत्येकाने सहभागी व्हावे, हा संदेश या फेरीतून देण्यात आला.
यावेळी शाळेचे मुख्याध्यापक नंदकुमार नाईक , श्री. सावंत, श्री. नागरगोजे आणि शाळेतील इतर शिक्षकवृंद व विद्यार्थी मोठ्या संख्येने उपस्थित होते. शिक्षकांनी विद्यार्थ्यांना लोकशाहीचे महत्त्व आणि मतदानाचा पवित्र हक्क याविषयी मार्गदर्शन केले. विद्यार्थ्यांच्या हातात मतदानाचे महत्त्व सांगणारे विविध फलक होते. "सोडा सारे काम धाम, मतदान करणे पहिले काम" आणि "मतदार असल्याचा अभिमान - मतदानासाठी सज्जता" अशा घोषणांनी संपूर्ण बाजारपेठ परिसर दुमदुमून गेला होता. १८ वर्षे पूर्ण झालेल्या नवीन मतदारांनी आपली नाव नोंदणी करावी आणि आगामी निवडणुकांमध्ये निर्भयपणे मतदान करावे, असे आवाहन या माध्यमातून करण्यात आले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.