.jpg)
.jpg)
.jpg)
.jpg)
ठाणे (प्रतिनिधी) - देवी दर्शनासाठी निघालेल्या महिलेचा दुचाकीस्वाराच्या धडकेत घोडबंदर येथील मानपाडा भागात मृत्यू झाल्याची घटना घडली. याप्रकरणी महिलेच्या मुलाने दिलेल्या तक्रारीनुसार अद्यात दुचाकीस्वाराविरोधात कापूरबावडी पोलीस ठाण्यात गुन्हा दाखल झाला आहे. ठाण्यात घोडबंदर येथील डोंगरीपाडा भागात नीलम सिंह (५४) असे मृत महिलेचे नाव आहे. नीलम सिंह या त्यांचे पती, दोन मुले आणि मुलीसह वास्तव्यास आहेत. नीलम यांचे पती आणि थोरला मुलगा रिक्षा चालक असून त्यांच्या उत्पन्नातून कुटुंबाचा उदरनिर्वाह होतो.
सोमवारी सकाळी नीलम सिंह या त्यांची बहिण आणि शेजारी राहणाऱ्या महिलेसोबत घोडबंदर भागातील देवी दर्शनासाठी निघाल्या होत्या. त्यांनी पातलीपाडा येथील एका मंदिरात देवीचे दर्शन घेतल्यानंतर त्या कापूरबावडी भागातील एका मंदिरात जाण्यास निघाल्या. दुपारी १२ वाजताच्या सुमारास मानपाडा परिसरातून रस्ता ओलांडत असताना एका भरधाव दुचाकीस्वाराने त्यांना धडक दिली. या अपघातात नीलम सिंह यांच्या डोक्याला आणि पायाला गंभीर दुखापत झाली.
41.jpg)
घटनेची माहिती नीलम यांच्या बहिणीने त्यांच्या कुटुंबियांना दिल्यानंतर त्यांनी तात्काळ नीलम यांना मानपाडा परिसरातील खासगी रुग्णालयात उपचारासाठी दाखल केले. मंगळवारी सायंकाळी उपचारा दरम्यान डाॅक्टरांनी त्यांना मृत घोषित केले. या अपघाप्रकरणी नीलम यांच्या मुलाने कापूरबावडी पोलीस ठाण्यात तक्रार दाखल केली. या तक्रारीच्या आधारे बुधवारी अज्ञात दुचाकीस्वारा विरोधात गुन्हा दाखल झाला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.