.jpg)
.jpg)
.jpg)
.jpg)
वरवेली (गणेश किर्वे) - जिल्हा परिषदेमार्फत दरवर्षीप्रमाणे अंगणवाडी क्षेत्रात उल्लेखनीय कार्य करणाऱ्या सेविका व मदतनीस यांचा गौरव करण्यासाठी “आदर्श अंगणवाडी सेविका, मदतनीस व पर्यवेक्षिका पुरस्कार” वितरण सोहळ्याचे आयोजन करण्यात आले होते. सन २०२५/२६ या वर्षासाठी सन २०२४/२५ मधील कार्याचा आढावा घेऊन हा पुरस्कार प्रदान करण्यात आला. सदरचा कार्यक्रम कै. इंदिरा वासुदेव शेटे सभागृह, (भंडारी भवन), किर्तनवाडी रोड, गुहागर येथे पार पडला. या प्रसंगी विविध अंगणवाडी केंद्रांतील सेविका व मदतनीस यांना त्यांच्या कार्यगौरवासाठी सन्मानित करण्यात आले. बीट हेदवी एक मधील नरवण पंधरवणे अंगणवाडीतील अंगणवाडी सेविका रिया राजेंद्र राऊत व मदतनीस पूर्वा विकास नाटुस्कर यांना प्रथम क्रमांकाचा पुरस्कार प्रदान करण्यात आला. जानवळे कोंडविलकरवाडी अंगणवाडी केंद्रातील अंगणवाडी सेविका अनुष्का सचिन चिपळूणकर व मदतनीस ऋतिका विजय कोंडविलकर यांना द्वितीय क्रमांक, तर हेदवी दोन बीटमधील अंगणवाडी सेविका स्वाती शिवनाथ झिबर व मदतनीस शुभांगी शशिकांत वायंगणकर यांना तृतीय क्रमांकाने गौरविण्यात आले.
पुरस्कारप्राप्त सेविका व मदतनीस यांचे सन्मानचिन्ह देऊन अभिनंदन करण्यात आले. जिल्हा परिषद सदस्य अपूर्वा बारगोडे, पंचायत समिती सदस्य स्नेहा शिगवण, सारिका दाभोळकर, ऊर्वी खैर यांनी उपस्थित राहून पुरस्कारप्राप्त अंगणवाडी सेविका व मदतनीस यांच्या कार्याचे कौतुक करून त्यांना शुभेच्छा दिल्या. गुहागर पंचायत समिती सभापती प्रणव पोळेकर, उपसभापती निलेश सुर्वे तसेच जिल्हा परिषद व पंचायत समिती सदस्यांनीही आदर्श पुरस्कार प्राप्त सेविका व मदतनीस यांच्या कार्याचे कौतुक करत त्यांना मनःपूर्वक शुभेच्छा दिल्या. तसेच मुख्य सेविका यांनी सुद्धा पुरस्कारप्राप्त सेविका व मदतनीस यांच्या कामकाजाबद्दल गौरवोद्गार काढून सर्वांनी अधिक चांगल्या पद्धतीने काम करण्यासाठी शुभेच्छा व मार्गदर्शन केले.
54.jpg)
अंगणवाडी सेविका व मदतनीस यांच्या कार्याचा गौरव करताना बालकांच्या संगोपन, पोषण व प्राथमिक शिक्षण क्षेत्रातील त्यांचे योगदान महत्त्वपूर्ण असल्याचे अधोरेखित करण्यात आले. उत्कृष्ट कामगिरी करणाऱ्या सर्व सेविका व मदतनीस यांचा गौरव करण्यात आला. तसेच अशा प्रकारचे प्रोत्साहनपर उपक्रम राबवल्याबद्दल जिल्हा परिषदेचे आभार व्यक्त करण्यात आले. यावेळी अंगणवाडी सेविका संघटनांचे पदाधिकारी, अध्यक्ष, सचिव व मोठ्या संख्येने सेविका उपस्थित होत्या. कार्यक्रमाचे सूत्रसंचालन शिंदे यांनी केले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.