निळवणे येथील साहिल मोरे याची भारतीय सैन्यात निवड

2025-12-16 00:00:00

टाइम्स स्पेशल

खेड (दिलीप देवळेकर) - खेड तालुक्यातील निळवणे गावातील व नॅशनल ऍकॅडमी कॅम्प बोरजचा साहिल सुदेश मोरे याची भारतीय सैन्य दलात निवड झाली आहे. या निमित्त त्याची गावाच्या वतीने भरणे काळकाई मंदिर ते निळवणे अशी भव्य मिरवणूक काढून साहिलला शुभेच्छा देण्यात आल्या. सैनिकी परंपरा असलेल्या निळवणे गावातील अनेक जवानांनी भारत मातेची सेवा केली आहे. याच गावातील कारगिल युद्धाच्या दरम्यान शहीद झालेले जवान रविंद्र विठोबा कदम यांचे हे गाव आहे.

https://ratnagiritimes.in//assets/images/2020/add/2020/sky22.jpg

अत्यंत प्रतिकुल परिस्थितीत साहिलने हे यश संपादन केले आहे. आपला मुलगा सैन्यात जावा म्हणून आई वडिलांनी स्वप्न पाहिले होते. व आई वडिलांचे स्वप्न सत्यात उतरविल्याचा आनंद साहिलला झाला असल्याचे साहिलने सांगितले. वडील सुदेश मोरे व आई साक्षी मोरे यांनी अत्यंत प्रतिकुल परिस्थितीत साहिलला बारावी पर्यंत शिक्षण दिल्यानंतर साहिलला नॅशनल ऍकॅडमी कॅम्प बोरज येथे भरती पूर्व प्रशिक्षणासाठी दाखल केले. त्याठिकाणी ऍकॅडमी प्रमुख किशोर आदावडे यांनी त्याला लेखी व मैदानी परीक्षेसाठी मार्गदर्शन केले. भारत मातेचे रक्षण करण्याची संधी मला मिळाली आहे. हे माझे भाग्य आहे. व या संधीचे सोने करण्याचा प्रयत्न मी करुन आई वडिलांचे स्वप्न सार्थकी लावेन असे साहिलने यावेळी बोलताना सांगितले.

टाइम्स स्पेशल

या कार्यक्रमाला अध्यक्षस्थानी निवृत्त सुभेदार गोपीनाथ कदम, माजी सैनिक शिवाजी कदम, माजी सैनिक बाळकृष्ण सनगरे, नॅशनल ऍकॅडमी कॅम्प बोरजचे प्रमुख किशोर आदावडे, शामराव कदम, चंद्रकांत कदम, अशोक सनगरे, सुर्यकांत धाडवे, अनंत सनगरे, उमेश खोपडे व गावातील सर्व ग्रामस्थ, पंचक्रोशीतील विविध ग्रामस्थ व मान्यवर उपस्थित होते.