तामोंड हनुमान मंदीरात हरिनाम सप्ताह साजरा

2025-12-16 00:00:00

टाइम्स स्पेशल

दापोली (प्रतिनिधी) - दापोली तालुक्यातील तामोंड येथील हनुमान मंदीरात प्रतिवर्षाप्रमाणे श्री गुरु ह.भ.प. हरिदास रामभाऊ बोराटे विद्यमान आजरेकर फड प्रमुख यांच्या आज्ञेने वै.ह.भ.प.रामचंद्र भाऊ डोंगळे नेरळे चवेली, ता.पाटण, जि.सातारा यांच्या प्रेरणेने मार्गशीर्ष कृ.नवमी शनिवार दि. १३ डिसेंबर ते कृ.व्दादशी मंगळवार १६ डिसेंबर या कालावधीत मोठ्या उत्साहात भक्तिभावाने हरिनाम सप्ताह साजरा झाला. हा हरिनाम सप्ताह यशस्वी होण्यासाठी तामोंड येथील ग्रामस्थ महिला वर्ग, मुंबई मंडळ, पूणे मंडळ तसेच समस्त आजरेकर संप्रदाय तामोंड यांनी प्रचंड मेहनत घेतली. या सप्ताहाच्या कार्यक्रमाला तामोंड दमामे पंचक्रोशीतील नागरिकांसह दापोली, खेड, गुहागर, पोलादपूर येथील वारकरी संप्रदाय मोठ्या संख्येने उपस्थित होते.

https://ratnagiritimes.in//assets/images/2020/add/2020/sky22.jpg

१९८६ मध्ये सुरू करण्यात आलेली हरिनाम सप्ताहाची अखंडीत परंपरा ही आज ३९ व्या वर्षीही त्याच भावनेने आणि श्रध्देने सुरू आहे हे येथील संप्रदायाचे खरे यश आहे. अशा या मार्गशीर्ष कृ.नवमी शनिवार दि. १३ डिसेंबर ते कृ.व्दादशी मंगळवार १६ डिसेंबर या चार दिवसांच्या कालावधीतील हरिनाम सप्ताहात दररोज पहाटे ४ ते ६ वा. काकड आरती, सकाळी ८ ते १२ वा. श्री.ग्रंथराज ज्ञानेश्वरी पारायण, सांय.४ ते ५ वा.श्री.ग्रंथराज ज्ञानेश्वरी प्रवचन, सांय.६ ते ७ वा. समुह हरिपाठ, रात्रौ ९ ते ११ वा. हरि किर्तन, रात्रौ ११ नंतर हरिजागर, हरिपाठ खेड तालुक्यातील अनसपुरे मालपवाडी आणि पानवलकरवाडी तसेच तामोंड हरिपाठ मंडळ तर ह.भ.प.सोपानकाका मुळे (मुंबई), ह.भ.प. सचिन महाराज साळवी (पेवे), ह.भ.प. सुरजमहाराज उत्तम घोडके. (इचलकरंजी) यांनी किर्तन सेवा केली तसेच ह.भ.प.सोपानकाका मुळे (मुंबई), ह.भ.प.चंद्रकांत हरि बंगाल, ह.भ.प. पांडुरंग गोविंद देवघरकर, ह.भ.प. सुरज महाराज घोडके यांची प्रवचने झाली. ह.भ.प. सुरज महाराज घोडके यांनी केलेल्या काल्याच्या किर्तनानंतर दिंडी समारंभ होवून महाप्रसादाने कार्यक्रमाची सांगता झाली.