इंडिगोच्या विमानाचे हवेतच बंद पडले इंजिन, अन् 160 प्रवाशांचा काळजाचा ठोका चुकला

2026-03-28 00:00:00

टाइम्स स्पेशल

नवी दिल्ली : इंजिनमध्ये बिघाड झाल्यामुळे विशाखापट्टणमहून दिल्लीला येणाऱ्या इंडिगोच्या 160 प्रवाशांना घेऊन जाणाऱ्या विमानाने शनिवारी दिल्लीच्या इंदिरा गांधी आंतरराष्ट्रीय विमानतळावर आपत्कालीन लँडिंग करण्यात आले. सूत्रांनुसार, "विमानाच्या एका इंजिनमध्ये बिघाड झाल्यामुळे, इंदिरा गांधी आंतरराष्ट्रीय विमानतळावर इंडिगोच्या विशाखापट्टणम-दिल्ली फ्लाइट 6E 579 साठी सकाळी 10:39 वाजता 'पूर्ण आणीबाणी' जाहीर करण्यात आली." मिळालेल्या माहितीनुसार, बोईंग 737 विमानात 161 प्रवासी होते. फ्लाइट ट्रॅकिंग वेबसाइट flightradar24.com नुसार, विमान सकाळी 10:59 वाजता उतरले.

https://ratnagiritimes.in//assets/images/2020/add/2020/sky22.jpg

इंजिनमध्ये बिघाड झाल्यामुळे, विशाखापट्टणम-दिल्ली या इंडिगो विमानाने सकाळी 10:39 वाजता IGI विमानतळावरील धावपट्टी क्रमांक 28 वर आपत्कालीन लँडिंग केले. विमानात 161 प्रवासी होते. एअरलाईन्स आणि DIAL च्या टर्मिनल ऑपरेशन्स टीमने प्रवाशांची योग्य ती काळजी घेतली. आता सर्व कामकाज सुरळीत सुरू आहे, असे नागरी विमानन मंत्रालयाच्या सूत्रांनी सांगितले. दिल्ली पोलिसांनी म्हटले आहे की, "विशाखापट्टणम (आंध्र प्रदेश) येथून दिल्लीकडे येणाऱ्या एका इंडिगो विमानाला इंजिन निकामी झाल्यासारख्या परिस्थितीचा सामना करावा लागला. हे विमान IGI विमानतळावर सुखरूप उतरले."