.jpg)
.jpg)
.jpg)
सावंतवाडी - सोनुर्ली निगुडे या मुख्य रस्त्यावरील जिर्ण झालेल्या मोरी पुलाकडे वारंवार पाठपुरावा करूनही दुर्लक्ष करणार्या सार्वजनिक बांधकाम विरोधात प्रजासत्ताक दिनी उपसरपंच भरत गावकर यांनी उपोषण छेडले. सदर पुलाचे काम प्रमुख जिल्हामार्ग यादीमध्ये प्राधान्याने घेऊन मंजूरीसाठी पाठविण्यात येईल असे लेखी पत्र उपअभियंता अजित पाटील यांनी दिल्यानंतर हे उपोषण मागे घेण्यात आले. दरम्यान येत्या पावसाळा आधी हे काम मार्गी न लागल्यास प्रसंगी रस्त्यावर उतरुन आत्मदहनासारखा मार्ग हाती घेऊ, असा इशाराही उपस्थित ग्रामस्थ व राजकीय पदाधिकार्यांकडून देण्यात आला.
सोनुर्ली निगुडे या मुख्य रस्त्यावरील रेल्वे पुलाजवळील मोरी पूल पूर्णतः जीर्ण झाले असून यावर्षीच्या पावसात वाहून जाण्याची दाट शक्यता आहे. गतवर्षी या पुलाची संरक्षण भिंत कोसळली होती त्यावर तात्पुरती मलमपट्टी करण्याचे काम बांधकाम विभागाने केले होते परंतु सदर पुल नव्याने उभारण्याची वारंवार विनंती करू सुद्धा याकडे सार्वजनिक बांधकाम दुर्लक्ष करत आहे. सदरचे पूल कोसळून रस्ता बंद झाल्यास सोनुर्ली गावातील शेतकर्यांचे मोठे नुकसान होणार आहे कारण गावातील शेतकर्यांची शेत जमीन पुलाच्या पलीकडे असल्याने शेत जमिनीत जाण्या येण्यासाठी हा रस्ता एकमेव मार्ग आहे त्यामुळे हे पुल नव्याने बांधा अशी मागणी उपसरपंच श्री. गावकर हे गेल्या दोन वर्षापासून करत आले आहेत. परिणामी बांधकाम विभाग याकडे जाणून बुजून दुर्लक्ष करत असल्याने अखेर प्रजासत्ताक दिनी बांधकाम विभागाच्या विरोधात ग्रामस्थांना सोबत घेऊन त्यांनी उपोषण छेडले. या उपोषणाला मोठ्या संख्येने ग्रामस्थांनी पाठिंबा देत सहभाग दर्शविला. उपोषण स्थळी माजी जिल्हा परिषद अध्यक्ष रेश्मा सावंत, शिक्षण प्रसारक मंडळाचे अध्यक्ष विक्रांत सावंत आणि निगडे ग्रामस्थ आदींनी सहभाग दर्शवत पाठिंबा दिला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.