कारमेलच्या विद्यार्थ्यांनी दिला "वाहतूक सुरक्षा व नियम" साठी अनोखा संदेश

2026-01-25 00:00:00

टाइम्स स्पेशल

पनवेल :- कळंबोली वाहतूक सुरक्षा पोलीस दलातर्फे दिनांक १ जानेवारी ते ३० जानेवारी हा महिना, 'रस्ता सुरक्षा मास' म्हणून साजरा करण्यात आला. यानिमित्ताने कळंबोली वाहतूक पोलिसांनी आणि कार्मेल कॉन्व्हेन्ट हायस्कूल कळंबोली यांच्या विद्यमाने अनेक कार्यक्रमांचे आयोजन करण्यात आले. दिनांक २३ जानेवारी रोजी विद्यालयाच्या प्रांगणात "रस्ता सुरक्षा आणि नियम" यावर आधारित चित्रकला स्पर्धा आणि निबंध स्पर्धा आयोजित करण्यात आली. यामध्ये विद्यार्थ्यांनी उत्साहाने सहभाग घेऊन जणू वाहतूक पोलिसांना या उद्देशासाठी आम्ही ही तुमच्या सोबत आहोत हा संदेशच दिला.

https://ratnagiritimes.in//assets/images/2020/add/2020/sky22.jpg

दिनांक २४ जानेवारीला पुन्हा एकदा विद्यालयाची चिमुकली पावले सरसावली आणि पूर्ण कळंबोलीमधून प्रभातफेरी काढून सर्व जनतेला वाहतुकीचे नियम आणि सुरक्षा किती महत्वाची आहे, याचे महत्व पटवून दिले. या विद्यार्थ्यांसोबत वाहतूक पोलीस दलातील पोलिस, शाळेतील शिक्षक उपस्थित होते. विद्यार्थ्यांच्या घोष वाक्यानी कळंबोली परिसर दणाणून गेला. वाहतूक सुरक्षेसाठी कार्मेल कॉन्व्हेन्ट हायस्कूलच्या या विद्यार्थ्यांचा पुढाकार आणि उत्साह पाहून परिसरातील नागरिकांकडून कौतुक होत आहे.

टाइम्स स्पेशल

या प्रसंगी कळंबोली वाहतूक सुरक्षा दलाचे पी.एस.आय.हणमंत गलांडे, ए. एस.आय.रवींद्र कोकणे,पोलीस हवालदार राजेंद्र भांडारकर, पोलीस नाईक प्रशांत ठाकूर हे हजर होते. सर्वांनी विद्यार्थ्यांचे आणि शाळेच्या मुख्याध्यापिका सिस्टर सुष्मिता यांचे कौतुक केले. तसेच विद्यार्थ्यांच्या सहभागाबद्दल त्यांचे आभार ही मानले.