.jpg)
.jpg)
.jpg)
सावंतवाडी (प्रतिनिधी) : राज्याचे उपमुख्यमंत्री अजित पवार यांच्या निधनाचे वृत्त अत्यंत दुःखदायक असून, त्यांच्या जाण्याने महाराष्ट्राच्या राजकारणात मोठी पोकळी निर्माण झाली आहे, अशा शब्दांत माजी मंत्री आमदार दीपक केसरकर यांनी आपल्या भावना व्यक्त केल्या. अजित पवार यांच्या निधनानंतर त्यांना श्रद्धांजली वाहताना केसरकर म्हणाले की, अजितदादा हे एक स्पष्टवक्ता आणि उत्तम प्रशासक होते. बोलण्यात कटूता असली तरी मनातून ते अत्यंत प्रेमळ होते. पहाटे कामाला सुरुवात करून जनतेची कामे मार्गी लावणारा तो लोकनेता होता.
आपल्या जुन्या आठवणींना उजाळा देताना केसरकर पुढे म्हणाले की, "मी राष्ट्रवादीत असताना आमचे अतिशय निकटचे संबंध होते. राष्ट्रवादीने सर्वाधिक जागा जिंकल्या होत्या, तेव्हा दादांना मुख्यमंत्री करावे म्हणून शरद पवार यांची भेट घेणाऱ्या शिष्टमंडळात मी होतो. मी पक्षात राहावे, अशी त्यांची इच्छा होती. त्यांचे प्रेम मी कधीही विसरू शकणार नाही." राज्याच्या अर्थव्यवस्थेबाबत दादांच्या असलेल्या कटाक्षाचे कौतुक करताना केसरकर म्हणाले की, "ते अर्थमंत्री असताना त्यांनी माझ्यावर विश्वास टाकून विधान परिषदेत अर्थसंकल्प मांडण्याची जबाबदारी दिली होती. कठोर निर्णय घेताना ते मागे-पुढे पाहत नसत." तसेच, आसाम मधुन मी पक्षाची भूमिका मांडत होतो तेव्हा राजकीय घडामोडींच्या वेळीही दादांनी 'हा आम्ही घडवलेला कार्यकर्ता आहे' असे म्हणत कौतुक केले होते, अशी आठवणही केसरकर यांनी यावेळी सांगितली.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.