.jpg)
1.jpg)
2.jpg)
.jpg)
1.jpg)
सावंतवाडी (प्रतिनिधी) - महावितरणच्या मनमानी कारभाराचा फटका सावंतवाडी तालुक्यातील तेरवण येथील ग्रामस्थांना बसला असून, या विरोधात ग्रामस्थांनी आता आंदोलनाचे हत्यार उपसले आहे. घरात कोणी नसताना गुपचूप स्मार्ट मीटर बसवल्याने एका कुटुंबावर दोन दिवस अंधारात राहण्याची वेळ आली आहे. या प्रकाराचा निषेध म्हणून १ मे रोजी सिंधुदुर्ग जिल्हाधिकारी कार्यालयासमोर उपोषण करण्याचा निर्धार ग्रामस्थांनी केला आहे.
मिळालेल्या माहितीनुसार, तेरवण येथील सोमनाथ अर्जुन गवस यांच्या घरी कोणी नसताना महावितरणने स्मार्ट मीटर बसवला. वीज पुरवठा खंडित झाल्यानंतर ग्रामस्थांनी विचारणा केली असता, "आधी बिल भरा मग पंधरा मिनिटात लाईट सुरू होईल" असे सांगण्यात आले. मात्र, दोन दिवस उलटूनही गवस यांच्या घरात अंधारच होता. विशेष म्हणजे, तेरवण गावात कोणत्याही कंपनीचे मोबाईल नेटवर्क किंवा टॉवर नाही, अशा परिस्थितीत महावितरणने स्मार्ट मीटर का बसवला, असा सवाल गावकरी विचारत आहेत.
जोपर्यंत लावलेला स्मार्ट मीटर काढून दुसरा मीटर बसवला जात नाही, तोपर्यंत उपोषणाच्या जागेवरून हलणार नाही, असा पवित्रा ग्रामस्थांनी घेतला आहे. या उपोषणाला विजय खेमाजी गवस, सदाशिव गवस, विजय विठ्ठल गवस, तुकाराम नारायण गवस, मंगल शांताराम गवस, शांती गवस, अजय नाईक, मंगल शंकर गवस, सचिन सोमा गवस, मोहन सावंत, ऋतुजा सावंत यांच्यासह अनेक ग्रामस्थ उपस्थित राहणार आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.