.jpg)
.jpg)
.jpg)
.jpg)
खेड (प्रतिनिधी) : दापोली-खेड मार्गावरील अपघातांची मालिका सुरूच असून, कुंभवे कातळ ते नवशी पाटी दरम्यान असलेल्या पुलावर आज पहाटे एका भरधाव चारचाकी वाहनाचा भीषण अपघात झाला. पुलावरील दुभाजकाला कारची जोरदार धडक बसल्याने वाहनाच्या पुढील भागाचे मोठे नुकसान झाले. मात्र सुदैवाने या अपघातात कोणतीही जीवितहानी झाली नसल्याने मोठा अनर्थ टळला. मिळालेल्या माहितीनुसार, पहाटेच्या सुमारास दापोलीकडून खेडच्या दिशेने जाणारी कार पुलावरून जात असताना चालकाचे वाहनावरील नियंत्रण सुटल्याने ती थेट दुभाजकाला धडकली. धडकेचा जोर इतका प्रचंड होता की वाहनाचा समोरील भाग अक्षरशः चक्काचूर झाला. अपघाताचा आवाज ऐकून परिसरातील नागरिकांनी घटनास्थळी धाव घेतली आणि वाहनातील प्रवाशांना मदत केली. काही काळ या परिसरात गोंधळाचे वातावरण निर्माण झाले होते.
दापोली-खेड मार्गावर सध्या रस्ते रुंदीकरण आणि सुधारणा कामे सुरू आहेत. मात्र अनेक ठिकाणी ही कामे अपूर्ण अवस्थेत असून सुरक्षेच्या दृष्टीने आवश्यक उपाययोजनांचा अभाव असल्याची तक्रार वाहनचालक आणि स्थानिक नागरिकांकडून सातत्याने केली जात आहे. विशेषतः पुलांवर आणि वळणाच्या ठिकाणी चेतावणी फलक, रिफ्लेक्टर, दिशादर्शक चिन्हे, बॅरिकेड्स तसेच वेगमर्यादा दर्शविणारे बोर्ड नसल्यामुळे रात्री आणि पहाटेच्या वेळी वाहनचालकांची दिशाभूल होत असल्याचे सांगितले जात आहे. दापोली हे कोकणातील महत्त्वाचे पर्यटनस्थळ असल्याने या मार्गावर वर्षभर पर्यटकांची मोठी वर्दळ असते. तसेच स्थानिक नागरिक, विद्यार्थी आणि व्यावसायिक यांचीही या रस्त्यावरून सतत ये-जा सुरू असते. मात्र अपूर्ण बांधकाम, तीव्र वळणे आणि अपुऱ्या सुरक्षाव्यवस्थेमुळे वाहनचालकांसमोर मोठे आव्हान निर्माण होत आहे. रस्त्यालगत अनेक ठिकाणी शाळा, वस्ती आणि बाजारपेठा असूनही पुरेशा सुरक्षाविषयक उपाययोजना करण्यात आलेल्या नसल्याने नागरिकांमध्ये तीव्र नाराजी व्यक्त होत आहे.
यापूर्वीही या मार्गावर अनेक लहान-मोठे अपघात घडले असून, सुरक्षाविषयक उपाययोजना करण्याची मागणी वारंवार करण्यात आली आहे. मात्र त्याकडे दुर्लक्ष होत असल्याचा आरोप स्थानिकांनी केला आहे. या ताज्या अपघातानंतर तरी प्रशासन, सार्वजनिक बांधकाम विभाग आणि संबंधित ठेकेदारांनी गंभीर दखल घेऊन बांधकाम सुरू असलेल्या ठिकाणी तातडीने चेतावणी फलक, रिफ्लेक्टर, बॅरिकेड्स आणि अन्य सुरक्षा साधने बसवावीत, तसेच प्रवाशांच्या सुरक्षेसाठी प्रभावी उपाययोजना कराव्यात, अशी जोरदार मागणी नागरिकांकडून करण्यात येत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.