.jpg)
.jpg)
.jpg)
.jpg)
रत्नागिरी: तालुक्यातील फणसवळे ते करबुडे दरम्यान गोमांस सापडल्याची धक्कादायक घटना समोर आली आहे. या गंभीर प्रकरणाची दखल घेत उद्योगमंत्री उदय सामंत यांनी पोलीस प्रशासनाला कडक पावले उचलण्याचे आदेश दिले आहेत. समाजात तेढ निर्माण करण्याचा प्रयत्न करणाऱ्या समाजकंटकांचा वेळीच बंदोबस्त करणे गरजेचे असल्याचे सामंत यांनी स्पष्ट केले. या प्रकरणात जे कोणी दोषी असतील, त्यांच्यावर कठोर कारवाई करण्याच्या सूचना त्यांनी रत्नागिरीचे पोलीस अधीक्षक नितीन बगाटे यांना दिल्या आहेत.
नामदार उदय सामंत यांनी प्रसारमाध्यमांशी बोलताना सांगितले की, या संवेदनशील घटनेची पोलिसांनी कसून चौकशी करणे आवश्यक आहे. त्यानुसार पोलीस अधीक्षकांनी या प्रकरणाचा सखोल तपास करण्यासाठी तातडीने ४ जणांची विशेष टीम तयार केली आहे. ही टीम घटनेच्या मुळाशी जाऊन तपास करणार आहे. कोणत्याही परिस्थितीत जिल्ह्यातील सामाजिक सलोखा बिघडू दिला जाणार नाही, तसेच दोषींची गय केली जाणार नाही, अशी ग्वाही सामंत यांनी दिली आहे. या कारवाईमुळे परिसरात कायदा व सुव्यवस्था राखण्यास मदत होणार आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.