वैभववाडी (प्रतिनिधी) - वाभवे-वैभववाडी नगरपंचायतीचे बांधकाम सभापती रणजीत तावडे यांच्या व्हॅगनार कारची अज्ञात व्यक्तीकडून तोडफोड करण्यात आली आहे. ही घटना मंगळवारी सकाळी उघडीस आली असून याप्रकरणी तावडे यांनी वैभववाडी पोलीस ठाण्यात तक्रार दाखल केली आहे.
या घटनेमुळे वैभववाडी शहरात खळबळ उडाली आहे. रणजीत तावडे यांचे वैभववाडी बाजारपेठेत चायनीज सेंटर आहे. सोमवारी रात्री सुमारे १२ वाजण्याच्या दरम्यान त्यांनी आपला व्यवसाय बंद करून घरी गेले. त्यांच्या घराकडे जाणार्या रस्त्याचे काम सुरू असल्याने त्यांनी घरापासून काही अंतरावर रस्त्याच्या कडेला आपली व्हॅगनार गाडी उभी केली होती.
त्यानंतर रात्री १२.३० वाजता सुमारास त्यांचा भाऊ घरी आला असता गाडी सुस्थितीत होती. मात्र मंगळवारी सकाळी नळ कामगारांच्या निदर्शनास गाडीची मागची काच फोडलेली आढळली. त्यांनी तात्काळ त्याची माहिती तावडे यांना दिली. घटनास्थळी पाहणी केल्यानंतर तावडे यांनी वैभववाडी पोलीस ठाण्यात अज्ञात व्यक्तीविरोधात रीतसर तक्रार दाखल केली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.