1.jpg)
.jpg)
1.jpg)
.jpg)
.jpeg)
.jpg)
आटपाडी (सागर गोवळे) - ग्रामदैवत श्री उत्तरेश्वर देवाच्या यात्रेनिमित्त कृषी उत्पन्न बाजार समिती, आटपाडी आणि जिल्हा परिषद, सांगली यांच्या संयुक्त विद्यमाने आयोजित करण्यात आलेल्या भव्य शेळ्या-मेंढ्या प्रदर्शनाचा पारितोषिक वितरण सोहळा मोठ्या उत्साहात पार पडला. राज्याचे गृहमंत्री ना. योगेश कदम यांच्या हस्ते विजेत्या पशुपालकांचा सत्कार व बक्षीस वाटप करण्यात आले. यावेळी व्यासपीठावर खानापूर-आटपाडी विधानसभेचे आमदार सुहास बाबर, सांगली जिल्हा मध्यवर्ती बँकेचे संचालक तानाजीराव पाटील, सांगली जिल्हा परिषदेचे मुख्य कार्यकारी अधिकारी विशाल नरवाडे, सावित्रीदेवी उद्योग समूहाचे भारत पाटील, जि.प. बांधकाम व अर्थ सभापती पृथ्वीराज पाटील यांच्यासह अनेक मान्यवर उपस्थित होते. आटपाडीचा परिसर हा पशुपालनासाठी प्रसिद्ध असून, या प्रदर्शनात तालुक्यातील व जिल्ह्यातील उत्कृष्ट जातीच्या शेळ्या आणि मेंढ्यांनी सहभाग नोंदवला होता. गृहमंत्री योगेश कदम यांनी या उपक्रमाचे कौतुक करताना म्हटले की, "अशा प्रदर्शनांमुळे पशुपालकांना प्रोत्साहन मिळते आणि ग्रामीण अर्थव्यवस्थेला बळकटी येते." या कार्यक्रमास राजकीय आणि सामाजिक क्षेत्रातील दिग्गजांची उपस्थिती लाभली.
यामध्ये शिवसेना नेते साहेबराव पाटील (तालुका प्रमुख), अमरसिंह पाटील (गटनेते), मनोज नांगरे-पाटील (युवासेना तालुकाध्यक्ष). प्रशासकीय व स्थानिक लोकप्रतिनिधी: दत्तात्रय पाटील (सभापती, पं.स. आटपाडी), विनायक मासाळ, जयदीप भोसले (जि.प. सदस्य), बाळासाहेब हजारे (नगरपंचायत सभापती), सुषमा शिंदे (सहायक निबंधक). विविध पक्षांचे पदाधिकारी: अनिल पाटील (राष्ट्रवादी काँग्रेस-अजित पवार गट), राजेंद्र खरात (अध्यक्ष, आर.पी.आय.), लक्ष्मण सरगर (माजी जिल्हाध्यक्ष, रा.स.प.).सामाजिक कार्यकर्त्या: विद्याताई मोटे (संस्थापिका, साध्य फाउंडेशन) व अमोल मोरे (माजी सरपंच, दिघंची). कार्यक्रमाच्या यशस्वीतेसाठी कृषी उत्पन्न बाजार समितीचे सभापती संतोष पुजारी, उपसभापती सुनील सरक, सचिव शशिकांत जाधव यांच्यासह बाजार समितीच्या सर्व संचालक मंडळाने आणि कर्मचाऱ्यांनी विशेष परिश्रम घेतले. परीक्षक म्हणून दत्तात्रय पाटील यांनी काम पाहिले. या प्रदर्शनात निवडून आलेल्या विजेत्यांना आकर्षक बक्षिसे आणि सन्मानचिन्ह देऊन गौरविण्यात आले. यावेळी आटपाडी परिसरातील हजारो शेतकरी आणि ग्रामस्थ मोठ्या संख्येने उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.