जुवाठी येथील विहीरीत पडलेल्या बिबट्याला बाहेर काढण्यात यश

2026-04-01 00:00:00

टाइम्स स्पेशल

राजापूर : मौजे- जुवाठी शिर्केवाडी ता. राजापुर जि. रत्नागिरी येथेल रामचंद्र नारायण भारती यांचे मालकीचे विहिरीत वन्यप्राणी बिबट्या पडला असल्याची माहिती सकाळी ९.०० वाजता पोलीस पाटील जुवाठी यांनी परिमंडळ वन अधिकारी राजापूर यांना दूरध्वनी वरून कळविले. सदरची घटना परिक्षेत्र वन अधिकारी रत्नागिरी यांना कळवून, त्यांचे समवेत वनपाल राजापूर, वनरक्षक राजापूर व रेस्क्यू टीमसह घटनास्थळी जाऊन वस्तुस्थितीची पाहणी केली असता बिबट्या विहिरीमध्ये असलेल्या दगडावर बसला असल्याचे दिसून आले.

https://ratnagiritimes.in//assets/images/2020/add/2020/sky22.jpg

विहिरीची उंची सुमारे ३५-४० फूट होती. सकाळी ११.०५ वाजता पिंजरा दोरी बांधून विहिरीत सोडून बिबट्याला सकाळी ११.०९ वाजता चार मिनीटात सुस्थितीत पिंजर्‍यात जेरबंद करुन ताब्यात घेतला. नंतर मा. पशूधन विकास अधिकारी राजापूर डॉ वेर्लेकर यांचेकडून बिबट्याची तपासणी केली असता, सदर बिबट्या सुस्थितीत असलेची खात्री त्यांनी केली. सदर बिबट्या हा मादी जातीचा असून तिचे वय सुमारे दिड ते दोन वर्ष आहे. त्यानंतर मा. विभागीय वनअधिकारी रत्नागिरी (चिपळूण) गिरिजा देसाई व सहाय्यक वनसंरक्षक चिपळूण प्रियांका लगड, वनक्षेत्रपाल रत्नागिरी प्रकाश सुतार यांच्या मार्गदर्शनाखाली सदर बिबट्यास त्याचे नैसर्गिक अदिवासात मुक्त करण्यात आले.

टाईम्स स्पेशल

सदर कामगिरीसाठी वनक्षेत्रपाल प्रकाश सुतार, वनपाल राजापूर जयराम बावदाणे, वनरक्षक राजापूर विक्रम कुंभार व रेस्क्यू टीमचे दीपक चव्हाण, निलेश म्हादये, नितेश गुरव, संदीप जाधव, साहील जांगळी व ग्रामस्थ उपस्थित होते. अशा प्रकारच्या घटना घडल्यास किंवा वन्यप्राणी अडचणीत सापडल्यास वन विभागाचा टोल फ्री क्रमांक १९२६ किंवा ९४२१७४१३३५ या क्रमांकावर संपर्क साधण्याचे आवाहन वन विभागाच्या वतीने मा. विभागीय वनअधिकारी रत्नागिरी (चिपळूण) गिरिजा देसाई यांनी केली आहे.