.jpeg)
.jpg)
.jpg)
.jpg)
.jpg)
रत्नागिरी : सहकार क्षेत्रातील शिस्त, पारदर्शकता आणि विश्वासाचे प्रतीक असलेल्या श्री स्वरूपानंद सहकारी पतसंस्थेने २०२५-२६ या आर्थिक वर्षात यशाचे नवे शिखर सर केले आहे. संस्थेने १० कोटी ९४ लाख रुपयांचा विक्रमी निव्वळ नफा मिळवतानाच, १८.८१ टक्के इतकी नेत्रदीपक व्यवसाय वृद्धी नोंदवली आहे. विशेष म्हणजे, कर्ज वसुलीचे ९९.८२ टक्के हे प्रमाण संस्थेच्या चोख आर्थिक नियोजनाची साक्ष देणारे ठरले आहे. या यशाबद्दल बोलताना संस्थेचे अध्यक्ष ॲड. दीपक पटवर्धन यांनी समाधान व्यक्त करत, ही यशोगाथा सभासद आणि ठेवीदारांच्या अढळ विश्वासाचे फळ असल्याचे म्हटले आहे. गेल्या ३५ वर्षांपासून सातत्य राखणाऱ्या स्वरूपानंद पतसंस्थेचा एकूण संमिश्र व्यवसाय आता ७११ कोटी रुपयांवर पोहोचला आहे. यामध्ये ४०८ कोटी ८८ लाखांच्या ठेवी आणि ३०२ कोटी ६५ लाखांच्या कर्जाचा समावेश आहे. मागील वर्षाच्या तुलनेत ठेवींमध्ये १८ टक्के वाढ झाली असून, कर्ज वाटपातही १९.७९ टक्के ची मोठी झेप घेण्यात आली आहे.
संस्थेचे वार्षिक उत्पन्न ४८ कोटींच्या घरात पोहोचले असून, निधीचा योग्य विनियोग आणि प्रभावी व्यवस्थापनामुळे नफ्याचा आलेख दरवर्षी उंचावत आहे. गेल्या पाच वर्षांच्या आकडेवारीवर नजर टाकली असता, २०२१-२२ मधील ६.२९ कोटींचा नफा आज १०.९४ कोटींवर पोहोचला आहे, जे संस्थेच्या आर्थिक स्थैर्याचे उत्तम निदर्शक आहे. संस्थेचा आर्थिक पाया अधिक भक्कम करण्यासाठी नफ्यातील ५० टक्क्यांहून अधिक हिस्सा स्वनिधी वाढवण्यासाठी वापरण्यात आला आहे. ज्यामुळे संस्थेचा स्वनिधी ५५ कोटी रुपये झाला आहे. तसेच, रत्नागिरी परिसरात संस्थेच्या स्वतःच्या मालकीच्या १० मालमत्ता असून त्यात २६ हजार चौरस फुटांच्या कार्यालयांचा समावेश आहे. विशेष म्हणजे, भांडवल पर्याप्तता प्रमाण २८.०८ टक्के इतके भक्कम राखल्यामुळे गुंतवणूकदारांचा विश्वास अधिक वृद्धिंगत झाला आहे.
भविष्यातील वाटचालीबद्दल माहिती देताना ॲड. पटवर्धन यांनी सांगितले की, आगामी २०२६-२७ या वर्षात ५०० कोटींच्या ठेवींचे उद्दिष्ट ठेवण्यात आले आहे. याच वर्षात संस्थेचे प्रधान कार्यालय आणि एक नवी शाखा स्वमालकीच्या भव्य चार मजली इमारतीत स्थलांतरित होणार आहे. ४९ हजार सभासदांचा हा विशाल परिवार, कर्मचारी आणि संचालक मंडळाच्या सामूहिक प्रयत्नांमुळेच हे यश शक्य झाले आहे. स्वामींवरील श्रद्धा आणि उत्तम ग्राहक सेवेच्या बळावर स्वरूपानंद पतसंस्था सहकार क्षेत्रात आपली वेगळी ओळख कायम राखत भविष्यातील आव्हाने पेलण्यास सज्ज आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.