.jpg)
3.jpg)
खेड : तब्बल २६ वर्षांनंतर एल. पी. इंग्लिश स्कूलच्या सन १९९९-२००० च्या बॅचमधील माजी विद्यार्थी पुन्हा एकदा शाळेच्या प्रांगणात एकत्र आले आणि जुन्या आठवणींना उजाळा देणारा भावनिक स्नेहमेळावा उत्साहात पार पडला. शालेय जीवनातील निरागस क्षण, मैत्रीचे बंध, वर्गातील गमती-जमती आणि शिक्षकांचे मार्गदर्शन पुन्हा अनुभवताना प्रत्येकाच्या चेहऱ्यावर आनंद आणि समाधान झळकत होते. काळाच्या ओघात प्रत्येकजण आपल्या आयुष्यात विविध क्षेत्रांत स्थिरावला असला, तरी शाळेतील मैत्रीचे नाते आजही तितकेच दृढ असल्याचे या स्नेहमेळाव्यातून अधोरेखित झाले. अनेक वर्षांनंतर भेटलेल्या मित्र-मैत्रिणींनी जुन्या आठवणींना उजाळा देत शालेय जीवनातील संस्मरणीय क्षण पुन्हा एकदा जगले.
या स्नेहमेळाव्याला उपस्थित राहून माजी विद्यार्थ्यांना मार्गदर्शन करणारे ज्येष्ठ शिक्षक संपतराव काळे, मुरलीधर लढ्ढा, भाट, गांधी तसेच विद्यमान प्राचार्य भगत यांचा विशेष सत्कार करण्यात आला. त्यांच्या सहवासात पुन्हा एकदा विद्यार्थी झाल्याचा आनंद उपस्थितांनी व्यक्त केला. शिक्षकांनीही विद्यार्थ्यांच्या प्रगतीबद्दल समाधान व्यक्त करत त्यांना भावी आयुष्यासाठी शुभेच्छा दिल्या. आजच्या धकाधकीच्या आणि व्यस्त जीवनातून वेळ काढून उपस्थित राहिलेल्या सर्व मित्र-मैत्रिणींमुळे कार्यक्रमाला विशेष रंगत आली. हा केवळ स्नेहमेळावा नसून मैत्री, आपुलकी, जिव्हाळा आणि जुन्या नातेसंबंधांचा उत्सव ठरला.
या यशस्वी आयोजनासाठी माजी विद्यार्थी उमेश खेडेकर, प्रसाद पाटणे, सागर पवार, प्रसाद देवाडीगा, महेश चव्हाण, महेश खांडके, महेंद्र पवार, विजय पवार, आरेश जाधव, रुपेश खेडेकर, विक्रम बर्वे, अल्पिका सावंत आणि स्मृती कोकाटे यांच्यासह प्रत्यक्ष व अप्रत्यक्ष सहकार्य करणाऱ्या सर्व मित्रांचे मनःपूर्वक आभार मानण्यात आले. स्नेहमेळाव्याच्या समारोपावेळी भविष्यातही अशाच नियमित भेटीगाठी आयोजित करून मैत्रीचे बंध अधिक दृढ करण्यासोबतच सामाजिक उपक्रमांमध्ये सहभागी होण्याचा संकल्प करण्यात आला. "वर्षे सरली, काळ बदलला; पण मैत्रीचे नाते आजही तेवढेच घट्ट आहे," या भावनेने भारावलेल्या वातावरणात पुन्हा भेटण्याचा निर्धार करत हा स्नेहमेळावा संस्मरणीय आणि यशस्वी ठरला. या कार्यक्रमाचे सूत्रसंचलन विजय पवार यांनी केले तर आभार उमेश खेडेकर यांनी मानले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.